សង្គម
ក្រោយព្រលយថាមានគូស្នេហ៍ជាបុរសសង្ហាដែលមានឋានៈគួរសមផងនោះពេលនេះតារាចម្រៀងរូបស្រស់ អ៊ីវ៉ា បានស៊ែរពីការតុបតែងលំអរនៅក្នុងពិធីមង្គលការមួយដែលធ្វើឱ្យអ្នក គាំទ្រមានការសង្ស័យថាតារាចម្រៀងប្រចាំផលិតកម្មសាន់ដេរូបនេះត្រៀមចូលរោងការនៅ ក្នុងឆ្នាំ ២០២៣នេះយ៉ាងប្រាកដ ។
ស្របពេលតារាស្រីប្រុសជាច្រើនបានបើកចំហពីជីវិតស្នេហាដោយតារាខ្លះថែមទាំងសម្រេចរួមរស់ជាមួយគ្នាដោយគ្មានចំណងអាពាហ៍ពិពាហ៍ទៀតនោះបានធ្វើឱ្យតារាចម្រៀងប្រចាំផលិតកម្មសាន់ដេ អ៊ីវ៉ា ហាក់បង្ហាញដំរួយខ្លះៗពីគូស្នេហ៍។ យ៉ាងណាមិញនៅក្នុងឱកាសពិធីបុណ្យ ចូលឆ្នាំចិនកន្លងទៅថ្មីៗនេះ អ៊ីវ៉ា ក៏បានទទួលទឹកប្រាក់ជាកាដូអាំងប៉ាវពីគូស្នេហ៍ដល់ទៅ ១ម៉ឺនដុល្លារផងដែរ ។ អ្វីដែលគូរឱ្យចាប់អារម្មណ៍ទោះ អ៊ីវ៉ា មិនបានបង្ហាញមុខជាចំហតាម ហ្វេសប៊ុករបស់នាងក្តី តែសម្រាប់គណនីយហ្វេសប៊ុករបស់ គូស្នេហ៍បានបង្ហាញដោយមិន មានការលាក់លៀមហាក់ចង់ប្រាប់ថា អ៊ីវ៉ា ជាមិត្តស្រីរបស់លោក ។
កន្លងមកគូស្នេហ៍របស់ អ៊ីវ៉ា ថែមទាំងលើកឡើងយ៉ាងវែងអន្លាយថាពីមូលហេតុដែលតារាចម្រៀងអ៊ីវ៉ាស្រឡាញ់លោកថា«ការមិនបោះបង់ចោលគ្នាគឹជាទំនួលខុសត្រូវ
-គេសួរគាត់ថាហេតុអ្វីជ្រើសរើសយកខ្ញុំ?
+គាត់ឆ្លើយថាព្រោះខ្ញុំបានផ្តល់អារម្មណ៍ល្អរៗជូនគាត់ ដែរគាត់មិនធ្លាប់ទទួលបានពីមុនមក....
-គេសួរថាតើខ្ញុំបានផ្តល់អ្វីអោយគាត់ខ្លះហើយ?
+ គាត់ប្រាប់គេថា អ្វីដែរខ្ញុំផ្តល់អោយគាត់គឺ ភាពទុកចិត្ត ទំនួលខុសត្រូវ ការច្បាស់លាស់ ការពារ ថែរក្សា យកចិត្តទុកដាក់ ព្រួយបារម្ភ នឹងលើកទឹកចិត្តដល់គាត់.....
-គេសួរគាត់ថាបើខ្ញុំគ្មានលុយអោយគាត់តើគាត់មានក្តីសុខអត់?
+ គាត់ឆ្លើយថាក្តីសុខរបស់គាត់មិនមែនជាលុយហើយមិនមែនជាសម្ភារៈនិយមនោះទេ អ្វីដែរ គាត់ត្រូវការគឺមនុស្រម្នាក់ដែលអាចទទួលយកបានអ្វីៗគ្រប់យ៉ាងរបស់គាត់នឹងព្រមដើររួមផ្លូវ ជាមួយគាត់ទោះមានឧបសគ្គអ្វីក៏ដោយគឺមិនរួញរា ។អរគុណដែរផ្តល់ភាពកក់ក្តៅ»។
ការលើកឡើងច្បាស់ទាំងនេះអាចបញ្ជាក់ថាពួកគេជាគូស្នេហ៍គ្នាយ៉ាងពិតប្រាកដហើយជាញយដងឃើញអ្នកទាំងពីរបានបង្ហាញរូបភាពរូមគ្នាជាសាធារណៈទៀតផង ។ គូស្នេហ៍របស់ អ៊ីវ៉ា ត្រូវបានគេដឹងថាជាបុគ្គលដែលមានតួនាទីសំខាន់នៅក្នុងស្ថាប័នកីឡា។អ្វីដែលកត់សម្គាល់ ប៉ុន្មានថ្ងៃ មុននេះគេបានឃើញតារាចម្រៀង អ៊ីវ៉ា បានស៊ែររូបភាពតុបតែងលំអរយ៉ាងស្រស់ ស្អាត និង អធិកអធម នៅក្នុងពិធីមង្គលការ មួយដោយបាននិយាយខ្លីថា«ម្យ៉ាងតាស»។
ក្នុងនោះក៏មានហ្វេនៗមួយចំនួនបានបញ្ចេញមតិថា«ឆ្នាំនេះមែនចែ»«សង្ស៍យណាស់»ជាដើម ។ ប៉ុន្តែយ៉ាងណា អ៊ីវ៉ា មិនបានតបឡើយ ។ គេចាំបានថាកន្លងមក អ៊ីវ៉ា ធ្លាប់អះអាងថា នាងមានគម្រោងរៀបការនៅក្នុងឆ្នាំ ២០២៣នេះទៅតាមការចង់បានរបស់លោកឪពុកដែល កំពុងទន្ទឹងចង់ពរចៅឆាប់ៗ ៕
