សិល្បៈ
មិនខុសពីមិត្តភក្តិរួមអាជីពប៉ុន្មានឡើយថ្មិៗនេះតារាចម្រៀង គូម៉ា ត្រៀមបើក របរមួយបន្ថែមក្រៅពីតារាចម្រៀងដែលមានទីតាំងនៅម្តុំផ្សារឈូកមាស ។ របរ ថ្មីរបស់តារាចម្រៀងសម្បុរស្រអែមរូបនេះក៏ទទួលបានការចូលរួមនឹងត្រេកអរពីសំណាក់មិត្តភក្តិក្នុងនិងក្រៅសិល្បៈជាច្រើន។
ខណៈតារាជាច្រើនបានងាកទៅចាប់របរបន្ថែមដែលមានដូចជាអចលនទ្រព្យ លក់សម្លៀកបំពាក់និងភោជនីយដ្ឋាននោះពេលនេះតារាចម្រៀង គូម៉ា បានងាក មកបើកហាងលក់គ្រឿងសមុទ្រដែលត្រៀមនឹងបើកដំណើរកានៅក្នុងពេលឆាប់ៗខាងមុខនេះ ។ តារាចម្រៀង គូម៉ា បានដាក់ស្លាកយីហោជាឈ្មោះរបស់លោក តែម្តង។
មិនទាន់ទាំងបើកលក់ផង តែគេសង្កេតឃើញមានមិត្តភក្តិក៏ដូចជាអ្នក ស្រឡាញ់ចូលចិត្តរូបលោកចូលរួមគាំទ្រគ្រប់គ្នា ។ ក្នុងនោះក៏មានអ្នកខ្លះលាន់ មាត់សរសើរថា គូម៉ា ចេះរកនឹកឃើញមុខរបរត្រូវប៉ាន់មួយនេះ។
គូម៉ា ក៏ជាតារាចម្រៀងដែលមានប្រជាប្រិយភាពម្នាក់ដែរនៅក្នុងសង្គមសិល្បៈ តែចុងក្រោយនេះលោកហាក់មិនសូវមានបទចម្រៀងផ្ទុះប៉ុន្មានឡើយ។ អ្វីដែល គួរឱ្យកត់សម្គាល់តារាចម្រៀង គូម៉ា ក៏តែងបើកចំហពីចំណងស្នេហ៍ជាមួយដៃគូ តារាសម្តែង ម៉ៅ គីមធីតា ដែលកាន់តែធ្វើឱ្យមហាជនសរសើរថែមទៀត៕
