សង្គម
ក្រោយប្រកាសដើរចេញពីទ្រនំថោនកាលពីម្សិលមិញនេះក៏មានការសង្ស័យថាតារាចម្រៀង សំឡេងខ្ពស់ ស៊ូ ស៊ីរីកា គ្រោងចូលផលិតកម្មជាមួយតារាចម្រៀងរ៉េប វណ្ណដា ក្រោយឃើញ នាងមានសកម្មភាពទាំងនេះកាលពីមួយរយៈមុន
រយៈពេល៨ឆ្នាំ ក្នុងទ្រនំថោន តារាចម្រៀង ស៊ូ ស៊ីរីកា ក៏មានបទចម្រៀងល្បីៗនឹងទទួល បានការគាំទ្រពីសំណាក់មហាជនជាច្រើនដែលប៉ុន្មានឆ្នាំចុងក្រោយនេះមានដូចជាបទ «ជំនូន»។ ប៉ុន្តែគួរឱ្យស្តាយចុងក្រោយនេះ ស៊ូ ស៊ីរីកា ស្ងប់ស្ងាត់ក្នុងការចេញបទចម្រៀងថ្មីៗ ស្របនឹងកាលពីថ្ងៃទី ០៣ ម្សិលមិញនេះនាងបានប្រកាសដើរចេញពីទ្រនំមួយនេះដោយគ្មាន ស្រណោះដែលធ្វើឱ្យមានការភ្ញាក់ផ្អើលជាខ្លាំង ខណៈកន្លងមកតារាចម្រៀងសម្បុរស្រអែមរូប នេះធ្លាប់បង្ហាញថាជំហរមិនចាកចេញពីផលិតកម្មថោនឡើយ ។
ការប្រកាសដើរចេញពីផលិតកម្មថោនរបស់តារាចម្រៀង ស៊ូ ស៊ីរីកា ធ្វើឱ្យមិត្តភក្តិក្នុងសិល្បៈ ក៏ដូចជាជាហ្វេន ហ្វេន មានការគាំទ្រនឹងជូនពរឱ្យនាងជោគជ័យចំពោះការសម្រេចចិត្តមួយ នេះ ។បើតាមប្រភពពីសំណាក់មិត្តភក្តិជិតដិតរបស់ ស៊ូ ស៊ីរីកា បានប្រាប់ថាមិនមានអ្វីចម្លែក ទេព្រោះ ស៊ូ ស៊ីរីកា ប្រកាសចេញពីផលិតកម្មថោនដោយសារនាងបានចប់កិច្ចសន្យាច្រើនខែ មកហើយជាមួយផលិតកម្មមួយនេះ។
ណាមួយរយៈពេលច្រើនឆ្នាំមកនេះនាងថតបទ ចម្រៀងបានតិចបំផុត តែយ៉ាងណាប្រភពនោះមិនបានបញ្ជាក់ថា ស៊ូ ស៊ីរីកា ចេញទៅផលិត កម្មមួយណាឡើយ ។
ស្របពេលអតីតបេក្ខនារីក្នុងកម្មវិធី The Voice Cambodia ឆ្នាំ 2014 រូបនេះបានព្រលយថា រង់ចាំមើលសកម្មភាពថ្មីៗរបស់នាងក្នុងពេលឆាប់ៗខាងមុខនេះក៏មានសង្ស័យថាម្ចាស់បទ «ស្រឡាញ់បងលើសហើយ»អាចនឹងហក់ចូលផលិតកម្មបារមីជាមួយតារារ៉េបដ៏ល្បីលោក វណ្ណដា ខណៈកាលពីកម្មវីធីបិទកីឡាជាតិលើកទីបីកាលពីដើមខែធ្នូឆ្នាំ ២០២២ កន្លងទៅគេ បានឃើញវត្តមានតារាចម្រៀង ស៊ូ ស៊ីរីកា ចូលរួមទស្សនានឹងបានបង្ហាញភាពស្និទ្ធស្នាល ជាមួយក្រុមការងារតារាចម្រៀង វណ្ណដា នៅផលិតកម្មបារមីគួរឱ្យចាប់អារម្មណ៍៕
