សង្គម
អ្នកគាំទ្រជាច្រើនបានបង្ហាញការចាប់អារម្មណ៍និងបើកភ្នែកធំៗស្ទើរគ្រប់គ្នាក្រោយ បានឃើញកាលវិភាគការងាររបស់កម្លោះតូច លីម តិចម៉េង នៅក្នុងខែកុម្ភៈ នេះពោលលោកមានការងារប្រគំតន្រ្តីរាល់ថ្ងៃពេញមួយខែតែម្តង ។ អ្នកដែល បានឃើញតារាងការងារនេះបានសម្តែងការលាន់មាត់សរសើរដល់ភាពជោគ ជ័យរបស់តារាចម្រៀងរូបនេះគ្រប់គ្នា ។
ក្រោយក្លាយជាម្ចាស់ពាន Cambodian Idol រដូវកាលទីបួនមិនទាន់បានកន្លះ ឆ្នាំផង តែតារាចម្រៀង លីម តិចម៉េង ស្រូបទាញបានការគាំទ្រខ្លាំងពីសំណាក់ ទស្សនិកជនគ្រប់វ័យតាមរយៈសមត្ថភាពរួមនឹងចរិករួសរាយរបស់លោក។ដោ យសារកត្តាទាំងនេះហើយដែលធ្វើឱ្យតារាចម្រៀង លីម តិចម៉េង កាន់តែមាន ទីផ្សារការងារខ្ពស់មិនចាញ់តារារៀមច្បងនោះទេ ។
យ៉ាងណាមិញនៅក្នុង តារាងការងាររបស់ លីម តិចម៉េង នៅក្នុងខែកុម្ភៈនេះគឺលោកត្រូវចេញច្រៀង នៅតាមកកម្មវិធីប្រគំតន្ត្រីពេញមួយខែទាំងការច្រៀងនៅទីក្រុងភ្នំពេញនិងតាមបណ្តារខេត្តនានា។
ជាមួយសកម្មភាពមមាញឹករបស់តារាចម្រៀង លីម តិចម៉េង បានធ្វើឱ្យអ្នក គាំទ្រជាច្រើនលាន់មាត់ថាមិនមានអ្វីប្លែកទេដែលកម្លោះតូចរូបនេះជោគជ័យបែបនេះដោយសារលោកមានសមត្ថភាពច្រើនទាំងការច្រៀងនិងលេងភ្លេងជាដើម ។ ដោយសារ លីម តិចម៉េង កំពុងមានទីផ្សារចម្រៀងផ្ទុះខ្លាំងបែបនេះ ទើប លោកអាចមានលទ្ធភាពទិញរថយន្តទំនើបផ្ទាល់ខ្លួនជិៈយ៉ាងរំភើយក្នុងរយៈពេលកាន់ពានមិនបានកន្លះឆ្នាំផង ៕
