សង្គម
មានការសង្ស័យពីសំណាក់អ្នកគាំទ្រថាតារាចម្រៀងរូបរាងតូចស្រឡូន អ៊ីវ៉ា មានដំណឹងល្អឆាប់ៗក្រោយបានឃើញតារាស្រីរូបនេះបង្ហាញផ្ទះវីឡាថ្មីស្រស់ស្អាតដែលនាងបានទិញនាពេលកន្លងមក ។
បើទោះមិនបានសារភាពថាមានមិត្តប្រុសជាសាធារណៈក៏ពិតមែន តែគេដឹង ថាតារាចម្រៀងប្រចាំផលិតកម្ម អ៊ីវ៉ា មានគូស្នេហ៍រួចហើយដែលគូស្នេហ៍របស់ នាងមិនមែនជាអ្នកសិល្បៈលោកជាអ្នកធ្វើការមានមុខមាត់នៅផ្នែកកីឡា ។ ចុងក្រោយនេះគូស្នេហ៍របស់តារាចម្រៀង អ៊ីវ៉ា ហាក់បើកចំហពីទំនាក់ទំនង ស្នេហាជាមួយរូបនាង ។អ្នកដែលបានដឹងរឿងនេះសុទ្ធតែបានសាទរចំពោះ អ៊ីវ៉ា និងសរសើរថានាង និងគូស្នេហ៍ពិតជាស័ក្តិសមគ្នាណាស់ ។
អ្វីដែលគួរឱ្យចាប់អារម្មណ៍ថ្មីៗនេះតារាចម្រៀង អ៊ីវ៉ា បានបង្ហាញផ្ទះវីឡាថ្មីដ៏ ស្រស់ស្អាតដែលនាងបានទិញនាពេលកន្លងមក។ ផ្ទះមួយនេះក៏ត្រូវបានគេ ដឹងថាជាញើសឈាមដែលនាងបានប្រឹងប្រែងរកតាមរយៈការងារសិល្បៈ និង ការរកស៊ីតាមអនឡាញ។
ក្នុងនោះក៏មានការសង្ស័យថាតារាចម្រៀងប្រចាំផលិត កម្មសាន់ដេរូបនេះត្រៀមចូលរោងការឆាប់ៗនៅក្នុងឆ្នាំនេះតែម្តង ព្រោះកន្លង មកតារាចម្រៀងរូបនេះធ្លាប់សន្យាជាមួយលោកឪពុកថានឹងបញ្ចប់ភាពនៅ លីវនៅក្នុងឆ្នាំ ២០២៣។ តែយ៉ាងណាមានតែរង់ចាំទស្សនាតាមដានបន្តទៀត៕
