សង្គម
សម្រាលមិនទាន់បានមួយសប្តាហ៍ស្រួលបួលផង តែកូនពូជរបស់តារាចម្រៀង ទេព បូព្រឹក្ស និងលោក ជី ដេវីត ពិតជាគួរឱ្យក្នាញ់ជាខ្លាំងតាមរយៈរូបភាព ទាំងនេះ។
មិត្តភក្តិក្នុងនិងក្រៅសិល្បៈពិតជាបានបង្ហាញក្តីរីករាយនឹងត្រេកអរដោយបានឃើញគូស្នេហ៍តារាចម្រៀងមួយគូនេះទទួលបានសមាជិកថ្មីជាកូនប្រុសដែលមានមុខមាត់គួរឱ្យក្នាញ់ហើយឈ្មោះក៏ពិរោះខ្លាំងបែបបាលីថែមទៀត ក្នុងនោះគេ សង្កេតឃើញអ្នកសិល្បៈជាហូរហែរបានចូលទៅសួរសុខទុក្ខ ទេព បូព្រឹក្ស និង ជូនពរឱ្យអ្នកម្តាយថ្មីថ្មោងរូបនេះមានសុខភាពល្អទៀតផង ។
អ្វីដែលគួរឱ្យចាប់ អារម្មណ៍ហេតុតែមានឪពុកម្តាយជាអ្នកសិល្បៈគ្រាន់តែបានឃើញពន្លឺព្រះអាទិត្យមិនដល់មួយសប្តាហ៍ស្រួលបួលផងកូនប្រុស បញ្ចវរាប ត្រូវបាន ទេព បូព្រឹក្ស ជាម្តាយទម្លាយរូបភាពឃ្យូតៗដែលឃើញហើយពិតជាគួរឱ្យក្នាញ់ តែម្តង។
អ្វីដែលកត់សម្គាល់បើទោះបីសម្រាលដោយការវះកាត់ក្តី តែពេលនេះសុខភាព របស់ ទេព បូព្រឹក្ស ល្អជាធម្មតាហើយនាងកាន់តែទទួលបានការស្រឡាញ់ និងថ្នាក់ថ្នមពីសំណាក់គូស្នេហ៍លោក ជី ដេវីត យ៉ាងពេញទំហឹងតែម្តង ។ បើ តាមការលើកឡើងមុនសម្រាលកូន ទេព បូព្រឹក្ស ប្រាប់ថានឹងវិលមកកាន់ក្បាល មីក្រូនៅក្នុងពេលឆាប់ៗនេះ ព្រោះមានការងារជាច្រើនដែលកំពុងរង់ចាំ ៕
