សង្គម
ពេលនេះតារាសម្តែង សឿ សុធារ៉ា កំពុងមានវត្តមាននៅក្នុងរឿងភាគទូរទស្សន៍របស់ផលិត កម្មហង្សមាសរឿង«ម្ចាស់កីតម្បាញ»។ អ្វីដែលគួរឱ្យចាប់អារម្មណ៍អ្នកគាំទ្រនៅតែស្រឡាញ់ និងពេញចិត្តចំពោះសមត្ថភាពសម្តែងរបស់នាងនៅក្នុងវីដេអូភាគមួយនេះ។
ប៉ុន្តែយ៉ាងណា រហូតមកដល់ពេលនេះ សឿ សុធារ៉ា ហាក់មិនទាន់មានសកម្មភាពសិល្បៈអ្វីៗថ្មីៗទៀតឡើយ ។ តាមពិតរឿងភាគមួយនេះ សឿ សុធារ៉ា បានថតតាំងពីជិតពីរឆ្នាំមុនម្លេះពោលតាំងពីនាង ទើបលេចមុខនៅក្នុងការងារសិល្បៈឡើងវិញហើយក៏ជាលើកដំបូងដែលនាងបានសម្តែងរួម គ្នាជាមួយកូនស្រី សាពូន ដារ៉ាពិមាន ។
អ្វីដែលកត់សម្គាល់ក្នុងរយៈពេលនេះស្ថានភាពក៏ដូច ជាសុខភាពផ្លូវចិត្តរបស់ សឿ សុធារ៉ា មានភាពល្អប្រសើរស្របពេលរឿងភាគរបស់នាងក៏បាន ដាក់បញ្ចាំងនៅតាមកញ្ចក់ទូរទស្សន៍ទៀតផង ។ នៅតែមានការសរសើរពីទេពកោសល្យនៅ ក្នុងការសម្តែងរឿងភាគមួយនេះរបស់ សឿ សុធារ៉ា ។
ពេលនេះទាំងសម្រស់និងសុខភាពផ្លូវចិត្តរបស់ សឿ សុធារ៉ា ក៏ល្អប្រសើរហើយ តែនាង ហាក់មិនទាន់មានសកម្មភាពអ្វីថ្មីៗនោះឡើយ។ ខណៈកន្លងមកនាងបានប្រកាសថា នឹងទទួលសម្តែងគ្រប់ទាំងអស់មិនថារឿង ការថតផ្សាយពាណិជ្ជកម្មឬឡាយលក់ផលិតផលនានា ធ្វើយ៉ាងណាឱ្យតែបានថវិកា។ នៅតែមានការលើកទឹកចិត្តនឹងចង់ឱ្យ សឿ សុធារ៉ា ត្រឡប់ មកប្រឡូកក្នុងអាជីពសិល្បៈឡើង វិញព្រោះកន្លងមកនាងក៏ជាតារាស្រីលំដាប់ជួរមុខម្នាក់ដែរ ៕
