![](https://blogger.googleusercontent.com/img/b/R29vZ2xl/AVvXsEhtTj-mSBtAG8Bal2R0T8dRvDEtUBFstW0H83NyxoQtE1uXsPTtmJu0Ls6iq3lj52X2elVc4WLtxVdYGyEerlbAHxfEqhFUDIbOqmQxVm2Sj2ojWZIWCaDy-OmuLCoo91zwb9TXvAPIZpAgjRxT0ZzcMmPpFnkBQq-QILcpGS_yokqks15x9gzU4nBF_w/s1600/Thumbnail.jpg)
សិល្បៈ
ក្រោយបទបញ្ជាសម្តេចតេជោ ហ៊ុន សែន រួច មន្ត្រីរដ្ឋបាលព្រៃឈើ ចាប់សត្វក្ងោកទាំង២០ក្បាល ពីសួនសត្វភ្នំតាម៉ៅ ខេត្តតាកែវ ដឹកយកទៅប្រគល់ជូនម្ចាស់ដើមវិញ នៅស្រុកបរិបូរណ៌ ខេត្តកំពង់ឆ្នាំង នៅរសៀលថ្ងៃទី ២៨ ខែកុម្ភៈ ឆ្នាំ ២០២៣នេះ។
សូមជម្រាបជូនថា សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅថ្ងៃត្រង់ទី២៨ ខែកុម្ភៈ ឆ្នាំ២០២៣នេះ បានចេញបទបញ្ជាបន្ទាន់ឲ្យមន្ដ្រីដែលទទួលខុសត្រូវ របស់ក្រសួងកសិកម្ម រុក្ខាប្រមាញ់ និងនេសាទ ដែលបានចុះទៅចា.ប់ សត្វក្ងោកនៅផ្ទះប្រជាពលរដ្ឋ ក្នុងស្រុកបរិបូរណ៍ ខេត្តកំពង់ឆ្នាំង យកទៅប្រគល់ជូនដល់ម្ចាស់គេវិញដល់ផ្ទះនៅថ្ងៃនេះតែម្ដង។
បទបញ្ជារបស់សម្ដេចតេជោនាយករដ្ឋមន្ដ្រី ធ្វើឡើងបន្ទាប់ពីសម្ដេចទទួល បាននូវសំណូមពរពីមជ្ឈដ្ឋាននានា ក្រោយមន្ដ្រីរដ្ឋបាលព្រៃឈើ ចុះទៅចាប់សត្វក្ងោករបស់ប្រជាពលរដ្ឋដែលចិញ្ចឹមលក្ខណៈគ្រួសារ នៅស្រុកបរិបូរណ៍ ខេត្តកំពង់ឆ្នាំង ។
សម្ដេចតេជោ ហ៊ុន សែន បានដាក់បទបញ្ជាយ៉ាងដូច្នេះថា «ខ្ញុំសូមចេញបទបញ្ជាបន្ទាន់ សូមឲ្យអ្នកទទួលខុសត្រូវ ដែលបានយកសត្វក្ងោកចេញពីផ្ទះរបស់ក្រុមគ្រួសារដែលចិញ្ចឹមសត្វនេះ យកទៅជូនដល់ផ្ទះវិញតែម្ដង។ ខ្ញុំមិនយល់ស្របនឹងទង្វើបែបនេះនោះទេ យើងគួរតែលើកទឹកចិត្តឲ្យប្រជាជនចិញ្ចឹមសត្វដែលជិតផុតពូជ ប្រសើរជាងទៅចាប់សត្វដែលប្រជាជនខំចិញ្ចឹមយកមកទុកនៅទីកន្លែងមួយ ដែលមិនយូរប៉ុន្មានសត្វនេះនឹងស្លាប់ ប្រសិនបើខ្វះការថែទាំ ខ្វះការយកចិត្តទុកដាក់»៕
![](https://blogger.googleusercontent.com/img/b/R29vZ2xl/AVvXsEju_d_qzqjlhen8MMlgf8AsqZF9HImk3VO9IlzUOl0zAMR_HWc-XCUNIEzNNcD7S-NIkwx9El8HiAzoV1jKYNeGFTpqpm0Av9PlKDGNcql-mJBDVuvQ-oQgXklaM7YnwYzPWvX8SslwIZLSjKjcgouLVas28GJyJ5o1MAkifhamvzLwhOIpqMZ8EtXJTw/s1600/88%20%281%29.jpg)
![](https://blogger.googleusercontent.com/img/b/R29vZ2xl/AVvXsEjgEGNUDw6DVZYyDXyFLRsl9n6a1yIVka9udceE1xH6XnDO8N0F7qzSYmJkCitje8o9iv8wnoZo5yzC6J1pg-SQlAYa8m4by2HxM61WRmeQR5Eptrsq0Kh2UiD20qATGFrnuZyQ2LadpCXVM6tuja-GB8VK6qpG2IDPdn9Sif0K8hk2gI6A2lSv1xYFGQ/s1600/88%20%282%29.jpg)
![](https://blogger.googleusercontent.com/img/b/R29vZ2xl/AVvXsEiekz4huWq99HZM6GBz04fWqhoAL_wnUIpPLAKM1O_h1dD2lnxhyQAI5w1cTpvPr83nSuhcGGar0lxeS59pAOTV9zF_YGQ3jIXU-TBo-Fgv-DPEv7SfbL65wCBMWPc7DpmQNMZszCAa-p8VCwz1Hm2fS3q8snaKLvVLcQvyFSrd2hA_t8BOjFfINNBtgQ/s1600/88%20%283%29.jpg)
![](https://blogger.googleusercontent.com/img/b/R29vZ2xl/AVvXsEhkgZdlNf_aYBYn3bqfqrkyAe8T2-TWGnVvulpt_YdXnGwKEsd18HSfGvVf716zSwPbe1pksllIQR2Bb76v0iERKxnFAMZN9LnF4bts6JG1RweuPNrcI15-cxGNXXgDAF6EPyskBqm-vsoebkyy_GMFMbVUaJDI_AHCQD410u7rzlH83fmifQOsBYBw8A/s1600/88%20%284%29.jpg)