![](https://blogger.googleusercontent.com/img/b/R29vZ2xl/AVvXsEgqJnVKA1tb-yy-0HDaq6HI6F9kU1L8FtG4BM9fQCugiGRsG3OimXvgoECRqj4maE9pXGp_vldJJSFgkbL0Z-I9qdHyMBS7Mn2pA-lf8FD6NP326tz38hyiZIrVezj63eXvJrAhirUPTQ-uC9uxL8gu36aJz_GHcx4aZr19WadNq_0tsA9utsjIQH8PQQ/s1600/Thumbnail.jpg)
សង្គម
សម្ដេចតេជោហ៊ុន សែន នាយករដ្ឋមន្ត្រីនៃកម្ពុជា បានគិតទៅដល់បុគ្គលិកវិទ្យុ វីអូឌី ដែលបាត់បង់ការងារដោយសារកំហុសមេដឹកនាំ សម្ដេចសម្រេចផ្ដល់ការងារក្របខណ្ឌរដ្ឋ សម្រាប់អ្នកដែលមានបំណងចូលបម្រើកិច្ចការរដ្ឋ។ នេះបើតាមទំព័រហ្វេបុកផ្លូវការសម្ដេចបានថ្លែងឱ្យដឹងនៅរសៀលថ្ងៃទី ១៤ ខែកុម្ភៈ ឆ្នាំ២០២៣នេះ។ សម្ដេចបានថ្លែងសារយ៉ាងដូច្នេះថា៖
«ដោយសារតែវិទ្យុវីអូឌីត្រូវបានបិទនិងគ្មាន ឱកាសបើកឡើងវិញនិងដោយគិតទៅ ដល់ជីវភាពបុគ្គលឹកដែលបាត់បង់ការងារ ធ្វើដោយកំហុសមេដឹកនាំ។ ខ្ញុំសម្រេចផ្តល់ក្របខ័ណ្ឌរដ្ឋសម្រាប់បងប្អូនដែលមានបំណងចូលបំរើកិច្ចការ រដ្ឋ។ សូមបងប្អូនធ្វើទំនាក់ទំនងជាមួយក្រសួង មុខងារសាធារណៈដើម្បីដាក់ពាក្យសុំ ធ្វើការ។»
សម្ដេចបញ្ជាក់ទៀតថា៖ «រដ្ឋមន្ត្រីក្រសួងមុខងារសាធារណៈត្រូវទទួលយកពាក្យសុំ និងបែងចែកទៅតាមក្រសួងនានាស្របតាមមុខជំនាញ និងត្រូវសុំការសម្រេចចុងក្រោយពីខ្ញុំ។ សូមអ្នកដទៃកុំលូកលាន់កិច្ចការផ្ទៃក្នុង របស់យើងហើយយើងសូមបញ្ជាក់ថា នឹងគ្មានការផ្លាស់ប្តូរការសម្រេចចិត្តរបស់ យើងនោះឡើយ។»
ជាចុងក្រោយសម្ដេចបញ្ជាក់ថា៖ «ជនបរទេសគ្មានសិទ្ធ មកបង្គាប់បញ្ជាឲ្យយើងធ្វើនេះឬធ្វើនោះ តាមការចង់បានរបស់ពួកគេឡើយព្រោះ នេះជាកិច្ចការផ្ទៃក្នុងរបស់យើង។ ការបិទចោលវិទ្យុដែលគ្មានក្រមសិលធម៍ មួយវាមិនធ្វើឲ្យស្លា.ប់នូវសេរីភាព សារព័ត៌មាននៅកម្ពុជានោះឡើយតែផ្ទុយ ទៅវិញវានឹងជួយដល់ការអនុវត្តច្បា.ប់និង ពង្រឹងក្រមសិលធម៍វិជ្ជាជីវៈសារព័ត៌មាន នៅកម្ពុជាថែមទៀតផង»៕
![](https://blogger.googleusercontent.com/img/b/R29vZ2xl/AVvXsEicMpZCwdiIBOD4gd9LcmGJTd0PpgfBwaf4uLSmvYzGGUy6o_R65q7JO20IIYhxnjPNvZfBrXIzEIcrhd0rJU1udxrhgDGtC6Ho-g4jzzy19zxVCjYDn5MUx56K1vR3WZx2fU4G6T_3yBV3CtysOOTzzVN9JtVdpv8JgJmg27u9w-jJPR_iE6kqFhwGKA/s1600/1n.jpg)
![](https://blogger.googleusercontent.com/img/b/R29vZ2xl/AVvXsEhDyE4fGTw2eVA7MxF7cgwF58JL8dkSE0SGL51cgk6f4UnOYJtECpeoQm8Vkvqpu3JC2TWtvMKpkoDgIBDcgLMyR_BqfNblcM7FXBoIwLQk0qYXobOohWnb2-t7JlYhEfACeoIugRFzSQD0Pgf4Q7lU5Xyjpo4UFnImOKFalgsFMMv3bzxTzLLSZff3EA/s1600/photo_2023-02-14_15-57-17.jpg)