សង្គម
(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា ឧបត្ថម្ភថវិកា ១០លាន រៀល ទៅម្ចាស់ក្ងោក ជាការលើកទឹកចិត្តដល់ម្ចាស់ក្ងោក ចំពោះការស្រឡាញ់ និងចិញ្ចឹមសត្វក្ងោករយៈពេលជិត ១០ឆ្នាំមកនេះ សម្ដេចក៏បានស្នើដល់រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ និងស្ថាប័នពាក់ព័ន្ធ ត្រួតពិនិត្យបន្ទាន់លើបញ្ហាច្បា ប់ដែលមានការពាក់ព័ន្ធ ត្រូវធ្វើវិសោនកម្ម ប្តូរពីការរឹ តត្បិ តទៅជាលើកទឹកចិត្តតែម្តង ដើម្បីបង្កើតសត្វព្រៃឡើងវិញ។
នេះបើតាមប្រសាសន៍សម្ដេចបាន ថ្លែងនៅក្នុងឱកាសអញ្ជើញជាអធិបតីសម្ពោធដាក់ឱ្យប្រើប្រាស់អគារសិក្សាចំនួនពីរខ្នង និងប្រគល់សញ្ញាបត្រជូននិស្សិតនៃវិទ្យាស្ថានបច្ចេកវិទ្យាកម្ពុជាជិត ៥ពាន់នាក់ នៅព្រឹកថ្ងៃទី០១ ខែមីនា ឆ្នាំ២០២៣នេះ។
សម្តេចតេជោ ហ៊ុន សែន បានថ្លែងដូចនេះថា «ឥលូវខ្ញុំនិយាយដល់បញ្ហាក្ងោកនេះ ខ្ញុំបានដាក់ចេញហើយ និយាយហើយ សុំឱ្យត្រួតពិនិត្យបន្ទាន់លើបញ្ហាច្បា ប់ដែលមានការពាក់ព័ន្ធ ត្រូវធ្វើវិសោនកម្ម ប្តូរពីការរឹតត្បិតទៅជាលើកទឹកចិត្តតែម្តង ដើម្បីបង្កើតសត្វព្រៃឡើងវិញ សត្វនឹងយើងចិញ្ចឹម ប៉ុន្តែយើងអាចយកទៅប្រលែងនៅក្នុងព្រៃ ឱ្យសំបូរទៅដោយសត្វក្ងោក ពេញព្រៃមើល ធ្វើអានឹងមើល បើថាសត្វក្ងោក វាកាក់កបជាមួយនឹងការរស់នៅក្នុងទឹកដីរបស់កម្ពុជា យើងអាចយកក្ងោក យកទៅប្រលែងចោលនៅក្នុងព្រៃ សត្វទាំងឡាយមួយចំនួនដែលយើងអាចចិញ្ចឹមបាន ចិញ្ចឹមហើយ យកវាទៅលែងនៅនឹងព្រៃ រួចហើយវានឹងបង្កើតជាស្ថានភាពដែលល្អសម្រាប់សត្វនៅក្នុងប្រទេសរបស់យើង»។
សម្តេចតេជោ ហ៊ុន សែន បានបន្ថែមថា ពាក់ព័ន្ធនឹងមន្ត្រីដែលចុះទៅអនុវត្តន៍ច្បា ប់ដើម្បីរឹបអូសយកក្ងោកពីប្រជាពលរដ្ឋនៅខេត្តកំពង់ឆ្នាំងនោះ សម្តេចមិនដាក់កំហុសទៅលើមន្ត្រីអនុវត្តន៍ច្បា ប់នោះទេ ដោយសារអាចនឹងចេញមកពីច្បា ប់ណាមួយដែលមន្ត្រី បានយកទៅអនុវត្តន៍។
សម្ដេចតេជោ បានបន្ថែមថា កូនប្រុសនិងកូនស្រីសម្ដេច និងលោក ហ៊ុន តូ ដែលជាក្មួយប្រុស ក៏មានទោ សដែរ បើសិនជាមានការអនុវត្តច្បា ប់មែន សម្ដេចបញ្ជាក់ថា៖
«អ៊ីចឹងទេ បើសិនជាមានការខ្វះចន្លោះប្រហោង យើងគួរធ្វើវិសោធនកម្មច្បាប់ ដើម្បីផ្ដល់ឱកាសឱ្យប្រជាជនអាចមានលទ្ធភាពចិញ្ចឹមសត្វដ៏កម្រ។ ហើយបើនិយាយពីជាប់ទោសវិញ អ្នកជាប់ទោសមុនគេ អ្នកណា?គឺនាយករដ្ឋមន្រ្តី ហ៊ុន សែន ជាប់ទោសមុនគេ ព្រោះចិញ្ចឹមក្ងោកច្រើនជាងគេ ច្រើនជាងអ្នក(ចិញ្ចឹមក្ងោក)នៅកំពង់ឆ្នាំងទៀត»។
សម្តេចតេជោ ហ៊ុន សែន ក៏បានបន្ថែមដែរថា សមត្ថភាពនៃកន្លែងចិញ្ចឹមរបស់រដ្ឋ ជាក់ស្តែងដូចជានៅភ្នំតាម៉ៅ មិនប្រាកដថាអាចចិញ្ចឹមសត្វរស់នោះទេ ដោយសារអាចមានការខ្វះខាតនូវចំណីសម្រាប់សត្វ។ សម្តេចក៏បានគូសបញ្ជាក់ដែរថា សុំឱ្យមន្ត្រីអនុវត្តន៍ ពេលចុះអនុវត្តន៍អ្វីក៏ដោយត្រូវតែឱ្យមានភាពឈ្លាសវ៉ៃបន្តិចផងដែរ៕
