សង្គម
ជឿជាក់ថាមហាជនពិតជាបានស្គាល់អតីតអ្នកនិពន្ធ និងអ្នកគ្រប់គ្រងទូទៅផលិតកម្ម Galaxy Navatra យឹម តាស្រង់ ដែលពេលនេះលោកក៏មានងារជាឧកញ៉ាផងដែរ ។ អ្វីដែលកត់ សម្គាល់ថ្មីៗនេះឧកញ៉ា យឹម តាស្រង់បានបង្ហាញរូបភាពជាមួយនារីម្នាក់រួមនឹងពាក្យពេចន៍ យ៉ាងចាក់ដោតធ្វើឱ្យមានការសង្ស័យថាស្រីស្អាតរូបនេះជាម្ចាស់បេះដូងថ្មីរបស់ឧកញ៉ារូបនេះ ។
ក្រោយពីចែកផ្លូវជាមួយភរិយានេះជាលើកដំបូងដែលគេឃើញអតីតអ្នកនិពន្ធនិងអ្នកគ្រប់គ្រងទូទៅនៅផលិតកម្ម Galaxy Navatra បានបង្ហាញរូបភាពស្និទស្នាល ជាមួយនារីម្នាក់ ពីក្រោយ ដោយភ្ជាប់ជាមួយសារខ្លីថា«សម្លឹងឆ្ងាយឈានជើងដើរទៅមុខដោយថាមពល»។រូបភាពជាមួយនារីរូបស្រស់ម្នាក់នេះត្រូវបានអ្នកលេងបណ្តាញសង្គមជាច្រើនជូនពរគ្រប់គ្នាដោយអ្នកខ្លះបានលើកឡើងចំៗថាពិតជាស័ក្តិសមគ្នាខ្លាំងណាស់ ។ ក្នុងនោះក៏មានការខមិនជាច្រើនថា នារីម្នាក់នោះគ្មាននរណាក្រៅពីដៃគូសហការក្នុងមុខជំនួញម៉ាក់ អ៊ីអ៊ី ឡើយ ។
ទោះបីជាយ៉ាងនេះក្តីគេមិនទាន់ដឹងថាតើនារីម្នាក់នោះជា ម៉ាក់អ៊ីអ៊ី ឬយ៉ាងណា ហើយពួកគេ មានទំនាក់ទំនងជ្រាលជ្រៅកម្រិតណាដែរ ។ ក្នុងនោះក៏មានការលើកឡើងថាមិនមានអ្វីទាស់ ខុសទេព្រោះអ្នកទាំងពីរសុទ្ធតែនៅលីវដូចគ្នា ។ គេចាំបានថា យឹម តាស្រង់ ជាអ្នកនិពន្ធដែល មានឈ្មោះល្បីល្បាញម្នាក់និងអ្នកគ្រប់គ្រងទូទៅនៅផលិតកម្ម Galaxy Navatra ។
ប៉ុន្តែ ក្រោយ មកលោកក៏បានចាកចេញពីការងារនេះដោយចាប់ផ្តើមជាមួយនឹងតំណែងជាម្ចាស់ ភាគ ហ៊ុន និង នាយកប្រតិបត្តិក្រុមហ៊ុននាំចូលផលិតផលពីប្រទេសកូរ៉េគឺក្រុមហ៊ុនEEw9 កាលពីចុងខែ ឧសភា ឆ្នាំ២០២២។មិនប៉ុន្មានខែផង អតីតអ្នកនិពន្ធបទចម្រៀងរូបនេះក៏ ទទួល បានគោរម្យងារជាឧកញ៉ាថែមទៀត៕
