header ads

Sponsor

តាមរយៈទំព័រហ្វេសបុក ស្នងការដ្ឋាននគរបាលរាជធានីភ្នំពេញ នៅយប់ថ្ងៃទី ១២ ខែមីនា ឆ្នាំ២០២៣នេះ បានចេញសេចក្តីបកស្រាយបំភ្លឺ​ និងបដិសេធរបស់ក្រុមការងារព័ត៌មាន​ និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ​ ទាក់ទងទៅនឹងការផុសរបស់គណនីហ្វេសបុកមួយឈ្មោះថា​ Khun chann ដែលបានចុះផ្សាយព័ត៌មានមិនពិត បេីកបរល្មេីសភ្លេីងក្រហមហេីយ មិនទទួលកំហុស បែរជាមកចោទប្រកាន់មកលេីមន្ត្រីអនុវត្តច្បាប់

បន្ទាប់ពីបានឃើញគណនីហ្វេសបុកខាងលើចុះផ្សាយ ស្នងការដ្ឋាននគរបាលរាជធានីភ្នំពេញ បានធ្វើការកោះហៅមន្រ្តីគោលដៅស្តុបប្រសាទពេជ្យ មកសួរនាំ នៅថ្ងៃទី១២ ខែមីនា ឆ្នាំ២០២៣ តាមការបំភ្លឺរបស់លោកអនុសេនីយ៍ឯក ណុប សំអាត នៅថ្ងៃទី១១ ខែមីនា ឆ្នាំ២០២៣ វេលាម៉ោង១៥:៣៤នាទី មានម៉ូតូមួយគ្រឿងម៉ាក click ពណ៌ស ពាក់ផ្លាកលេខ ភ្នំពេញ 1IK 5939 ធ្វើដំណើរពីជើងទៅត្បូង មកដល់ស្តុបពេទ្យចិនមិនគោរពភ្លើងសញ្ញាចរាចរណ៍ពណ៌ក្រហម ឃើញដូច្នោះសមត្ថកិច្ចបានឃាត់ឲ្យឈប់ ដើម្បីប្រាប់ពីកំហុស ធ្វើការអប់រំណែនាំ និងផាកពិន័យតាមច្បាប់

តែគាត់មិនព្រមទទួលកំហុស ទើបសមត្ថកិច្ចបង្ហាញវីឌីអូឲ្យគាត់មើល បន្ទាប់ពីមកវីឌីអូរួច គាត់ក៏ព្រមទទួលកំហុសរបស់គាត់ ហើយគាត់ក៏បានសុំទោស និងសុំអង្វរសមត្ថកិច្ចសម្របសម្រួលថាគាត់មកពីខេត្តអត់មានលុយ ទើបសមត្ថកិច្ចយោគយល់មិនធ្វេីការផាកពិន័យ ហើយអនុញ្ញាតឲ្យគាត់បន្តដំណើរទៅមុខទៀត ដោយពុំមានការផាកពិន័យអ្វីឡើយ បែរជាគាត់ចោទប្រកាន់ថាឲ្យលុយចំនួន១ម៉ឺនរៀលឲ្យសមត្ថកិច្ចផឹកកាហ្វេ តែសមត្ថកិច្ចពុំបានទទួលទេ។

ដោយឡែកចំពោះមន្រ្តីជាប់កិច្ចសន្យា គាត់គ្រាន់តែបង្ហាញវីឌីអូឲ្យគាត់តែប៉ុណ្ណោះ ចំណែកការអប់រំណែនាំ គឺមន្ត្រីនគរបាលចរាចរណ៍ជាអ្នកអប់រំទេ។ សមត្ថកិច្ចជំនាញ កំពុងស្រាវជ្រាវ ដេីម្បីកោះហៅបុគ្គលដែលល្មេីសច្បាប់ហេីយ ផ្សព្វផ្សាយព័ត៌មានមិនពិត ឲ្យចូលខ្លួនមកបំភ្លឺលេីករណីនេះ ។  

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post