សង្គម
បើទោះបីមានកូនពីរនាក់ដ៏គួរឱ្យស្រឡាញ់ទៅហើយក្តី តែ ផន សុផារី ដែលត្រូវគេស្គាល់ថា ជាតួឯកល្ខោននោះបានចាប់ផ្តើមយកកូនទីបីបន្ថែមទៀត ។ប៉ុន្តែយ៉ាងណាអ្នកនាងមិនបាន យកតាមធម្មជាតិឡើយពោលគឺនាងយកទៅតាមបច្ចេកវិជ្ជាទំនើបនាពេលបច្ចុប្បន្នដែលមានន័យថាអាចកំណត់ភេទទៅតាមការចង់បាន។
ថ្មីៗនេះ ផន សុផារី បានបង្ហាញប្រាប់ដល់អ្នកលេងបណ្តាញសង្គម ជាពិសេសអ្នកគាំទ្រដល់ ក្រុមគ្រួសាររបស់នាងដោយបញ្ជាក់ថាពេលនេះនាងចាប់ផ្តើមទទួលយកការបង្កកំណើតក្រៅខ្លួនហើយមូលហេតុដែលនាងទទួលយកសេវាកម្មមួយនេះដោយសារចង់កំណត់ភេទកូនឱ្យបានច្បាស់លាស់ដោយយសារកូនទីបីនេះនាងចង់បានកូនប្រុស ។ ដ្បិតទទួលយកការពពោះ តាមបែបនេះក្តី តែអ្នកម្តាយកូនពីររូបនេះបានបញ្ជាក់ថា«រាល់ការលះបង់របស់ម្តាយគឺសុទ្ធតែ មានតម្លៃ» ។
បើទោះមិនទាន់ទទួលជោគជ័យ១០០ភាគរយក៏ពិតមែន តែ ផន សុផារី បានដាក់ឈ្មោះកូន ទីបីរបស់ខ្លួនជាកូនប្រុសថា អ៊ែលលូ ។ជាមួយនឹងការលើកឡើងរបស់ ផន សុផារី ក៏ទទួល បានការជូនពរពីសំណាក់មហាជននិងអ្នកលេងបណ្តាញសង្គមជាច្រើន។ ផន សុផារី ក៏បាន បញ្ជាក់ថាមូលហេតុនាងជ្រើសយកការបង្ករកំណើតបែបនេះដោយសារកូនទីបី នាងចង់បាន កូនប្រុសព្រោះក្រុមគ្រួសារខាងស្វាមីជាខ្សែចិន ។ ប៉ុន្តែយ៉ាងណា ផន សុផារី បានជ្រើសយក ការបង្ករកំណើតបែបនេះនៅក្នុងស្រុកមិនបានចេញទៅប្រទេសជិតខាងឡើយ ។
ពីមួយថ្ងៃទៅមួយថ្ងៃក្រុមគ្រួសាររបស់ ផន សុផារី កាន់តែទទួលបានការស្រឡាញ់ពេញចិត្តពី សំណាក់អ្នកលេងបណ្តាញសង្គម ជាពិសេសកូនៗទាំងពីររបស់នាងដែលមាន បេឡា និង អ៊ែលលី តែម្តង ។ ស្ទើរតែអាចនិយាយថាកុមារីទាំងពីរមានហ្វេន ហ្វេនគាំទ្រ និងពេញចិត្ត ច្រើនមិនចាញ់តារាល្បីលំដាប់ប្រទេសឡើយ ។ យ៉ាងណាមិញរាល់វីដេអូរបស់កុមារីទាំងពីរ នេះតែងទទួលបានការពេញចិត្តនិងស៊ែរពីសំណាក់អ្នកគាំទ្រជាច្រើន ៕
