√ មានកូនពីរនាក់ទៅហើយតែរូបរាងភរិយារបស់តារាសម្តែង ជា សំណាង នៅតែស្រឡូនស្អាតមិនប្រែ

សិល្បៈ

តាគល់

ក្រោយមានកូនពីរនាក់ជាបន្តបន្ទាប់ តែសម្រស់របស់ភរិយាតារាសម្តែងជើងចាស់លោក ជា សំណាង នៅតែស្រស់ស្អាតពោលអ្នកនាងនៅតែមានរូបរាងស្រឡូនមិនប្រែប្រួលពីមុន ប៉ុន្តែយ៉ាងណាភរិយារបស់លោក ជា សំណាង ហាក់មិនមានសកម្មភាពសិល្បៈថ្មីៗ ដូចមុន ឡើយ ។

បើគិតមកដល់ពេលនេះលោក ជា សំណាង បានរៀបការប្រមាណជាជិតបួនឆ្នាំហើយ លោក ក៏ទទួលបានចំណងដៃកូនស្រីប្រុសពីរនាក់ដ៏គួរឱ្យស្រឡាញ់ថែមទៀតផង ។ ដ្បិតតារាសម្តែង ជើងចាស់រូបនេះមិនសូវបង្ហាញពីជីវិតឯកជននៅតាមបណ្តាញសង្គមដូចតារាក្មេងៗក្តី តែគេ ដឹងថាជីវិតគូរបស់លោកក៏មានក្តីសុខនិងពោរពេញទៅដោយសុភមង្គល។ បើក្រឡេកមើល ភរិយារបស់លោកវិញក៏នៅតែមានរូបរាងស្រស់ស្អាតស្ទើរមិនដឹងថាអ្នកនាងមានកូនដល់ទៅ ពីរនាក់នោះឡើយ ។

ដ្បិតសម្រស់ហាក់មិនថមថយពីមុនក្តី តែភរិយារបស់តារាសម្តែង ជា សំណាង ហាក់មិនសូវ លេចមុខនៅក្នុងការសម្តែងឬដើរម៉ូដដូចមុនឡើយ ។ បើតាមប្រភពដែលជិតដិតជាមួយនាង បាននិយាយថាមូលហេតុភរិយាលោក ជា សំណាងមិនទទួលការងារសិល្បៈដូចមុនដោយ សារនាងជាប់រវល់មើលថែទាំកូនតូចដល់ទៅពីរនាក់ឯណោះ ។

ប៉ុន្តែសម្រាប់ការថតស្ប៉តនាង នៅតែទទួលជាធម្មតា ។ ដោយឡែក សម្រាប់លោក ជា សំណាង ជាស្វាមីឯណេះវិញនៅតែ មានហាងឆេងនៅក្នុងការសម្តែងរឿងនានាបើទោះលោកមានវ័យរាងជ្រេបន្តិចទៅហើយក្តី៕