សង្គម
មានការចាប់អារម្មណ៍ខ្លាំងដោយថ្មីៗនេះអតីតMiss Grand Cambodia ឆ្នាំ ២០២១ មកពីខេត្ត ព្រះសីហនុ លឹម សុធាវី បានបង្ហាញរូបភាពPre Wedding ជាមួយគូស្នេហ៍កាលពីពេលថ្មីៗ ស្របពេលលេចធ្លាយព័ត៌មានថាស្រីស្អាតរូបនេះនឹងដឹកដៃគូស្នេហ៍ចូលរោងជ័យនៅក្នុងថ្ងៃទី ៣០ខាងមុខនេះ។
ជឿជាក់ថាអ្នកគាំទ្រពិតជាបានដឹងហើយតារាសម្តែង នឹងធ្លាប់ជាបេក្ខភាពMGCប្រចាំឆ្នាំ ២០២១ លឹម សុធាវី តែងបង្ហាញរូបភាពផ្ហែមល្ហែមជាមួយគូស្នេហ៍ជាសាធារណៈមួយរយៈមក ហើយ។មិនតែប៉ុណ្ណាះស្រីស្អាតរូបនេះតែងសរសើរបុរសជាគូស្នេហ៍ថាជាមនុស្សប្រុសល្អពេញ ៗមាត់ដែលធ្វើឱ្យបុរសៗមិនតិចទេលូចច្រណែនមិត្តប្រុសរបស់តារាសម្តែងសាច់ខ្ចីរូបនេះ ។
ប៉ុន្តែយ៉ាងណាថ្មីៗនេះ លឹម សុធាវី បានបង្ហាញភាពជាក់លាក់ដោយបានសម្រេចចិត្តរៀប ការនៅចុងខែមីនាខាងមុខនេះ។មិនទាន់មានការបញ្ជាក់ថាតើស្រីស្អាត លឹម សុធាវី នឹងរៀប ការនៅស្រុកកំណើតរបស់នាងនៅឯទឹកដីខេត្តព្រះសីហនុឬបែបណាឡើយ ។
ជាមួយនឹងការត្រៀមខ្លួនចូលរោងជ័យរបស់កូនក្រមុំដ៏ស្រស់ស្អាតរូបនេះក៏មានការចូលរួមត្រេកអរពីសំណាក់មិត្តភក្តិក្នុងនិងក្រៅសិល្បៈជាច្រើនផងដែរ ។ អ្វីដែលកត់សម្គាល់ស្របពេល លេចឮព័ត៌មានត្រៀមចូលរោងការនៅចុងខែគេក៏បានឃើញវត្តមានស្រីស្អាត លឹម សុធាវី បានទៅមន្ទីរពេទ្យសម្ភពល្បីមួយនៅក្នុងស្រុកដែលធ្វើឱ្យមានការសង្ស័យថាស្រីស្អាតរូបនេះ ប្រហែលត្រៀមនឹងយកកូនប្រឡែងលេងភ្លាមៗក្រោយរៀបការរួច ៕
