សង្គម
ក្រោយពីកំលោះសង្ហា សុវត្ថិ មុនីវណ្ណ ក្លាយជាតារាចម្រៀងចំណូលថ្មីជាមួយលោកឪពុក ព្រាប សុវត្ថិ នៅក្នុងផលិតកម្មហ្គាឡាក់ស៊ីមិនបានប៉ុន្មានផងក៏មានការរបញ្ចេញមតិពីមហា ជនមួយចំនួនថាថាកូនប្រុសច្បងរបស់ឧកញ៉ា ព្រាប សុវត្ថិ គ្មានសមត្ថភាពបានឪពុកជួយ ជ្រោមជ្រែងជាដើម ។ ទាក់ទងជាមួយរឿងនេះភរិយារបស់កំពូលតារាចម្រៀង ព្រាប សុវត្ថិ បានចេញមុខបកស្រាយជំនួសកូនស្តាប់ហើយពិតជាចាក់ដោតតែម្តង ។
មិនត្រឹមជាជំនួយការក្នុងការតុបតែងសម្លៀកបំពាក់និងមុខមាត់ដល់ស្វាមីតារាចម្រៀង ព្រាប សុវត្ថិ និងកូនៗនោះទេ ។ ថ្មីៗនេះអ្នកស្រី ឡុង ស្រីមុំ ដែលជាភរិយារបស់តារាចម្រៀង ព្រាប សុវត្ថិ តែងចេញមុខបកស្រាយចំពោះរឿងរ៉ាវមួយចំនួនរបស់កូនៗ ។ យ៉ាងណាមិញថ្មីៗនេះ អ្នកស្រីបានចេញមុខច្រានចោលទំនាក់ទំនងស្នេហាកូនប្រុសទីពីរ សុវត្តិ មុនីនាគ ជាមួយ តារាចម្រៀងវ័យក្មេង រ៉េត ស៊ូហ្សាណា ។
អ្វីដែលគួរឱ្យចាប់អារម្មណ៍ថ្មីៗនេះអ្នកស្រី ឡុង ស្រីមុំ បានចេញមុខបកស្រាយនៅក្នុង វីដេអូមួយចំពោះមហាជនដែលបានលើកឡើងថាកូនប្រុសអ្នកស្រី សុវត្ថិ មុនីវណ្ណ មិនមាន សមត្ថភាពគ្រប់គ្រាន់បានឪពុកជួយ។ អ្នកស្រីបានតបថាប្រសិនកូនអ្នកស្រីគ្មានសមត្ថភាព ពិតមែនតើលោកឪពុកជួយយ៉ាងម៉េច?មិនតែប៉ុណ្ណោះក្រុមហ៊ុនដែលធំសុខចិត្តជួយមនុស្ស គ្មានសមត្ថភាពកើតដែរឬទេ?ភរិយាតារាចម្រៀង ព្រាប សុវត្ថិ បានសួរបែបចាក់ដោតថាតើ រាល់ថ្ងៃបងប្អូនអ្នកខមិនបែបនេះកំពុងធ្វើអ្វី?អ្នកស្រីសុំឱ្យបងប្អូនអ្នកខមិនទាំងអស់មេត្តាពិចារ ណាឡើងវិញមុននឹងនិយាយពាក្យបែបនេះ?
ជាចុងក្រោយភរិយាតារាចម្រៀង ព្រាប សុវត្ថិ បាននិយាយថាកូនរបស់អ្នកស្រីពិតជាមាន សមត្ថភាពពេញខ្លួនហើយរូបរាងក៏ស្រស់សង្ហាមិនតែប៉ុណ្ណោះ សុវត្ថិ មុនីវណ្ណ ថែមទាំងទទួល បានការស្រឡាញ់ពីសំណាក់មហាជនជាច្រើនថែមទៀតផង។អ្នកស្រីថែមទាំងសង្កត់ធ្ងន់យ៉ាង មោទនភាពថាមិនងាយមានទេដែលលោកឪពុកជាកំពូលតារាចម្រៀងហើយមានកូនទាំងបី សុទ្ធតែមានសមត្ថភាពបែបនេះ៕
