សិល្បៈ
ពេលនេះទំនាក់ទំនងរវាងអតីតអ្នកនិពន្ធ និងអ្នកគ្រប់គ្រងនៅផលិតកម្មហ្គាឡាក់ស៊ី យឹម តាស្រង់ និង ម៉ាក់ អ៊ីអ៊ី បានបង្ហាញច្បាស់ហើយក្រោយពីកូនស្រី អ៊ី អ៊ី បាននិយាយថា យឹម តាស្រង់ គឺជាប៉ាប៉ាថ្មីរបស់នាង ។ ហាក់ពេញចិត្តជាមួយប៉ាថ្មីកូនខ្មែរកាត់កូរ៉េរូបនេះបានប្រាប់ ថា នាងមិនបានរារាំងទំនាក់ទំនងរបស់អ្នកម្តាយនិងប៉ាថ្មីឡើយ ។
គេចាំបានថា យឹម តាស្រង់ បានងាកមកចាប់អាជីពជំនួញដោយកាន់តំណែងជា នាយកប្រតិបត្តិ និងជាម្ចាស់ភាគហ៊ុនរបស់ក្រុមហ៊ុនផលិតផលរក្សាសម្រស់របស់កូរ៉េ EEW9 ដែលមានម៉ាក់ អ៊ីអ៊ី ជាអគ្គនាយិកា កាលពីអំឡុងពាក់កណ្តាលឆ្នាំ ២០២២ ។ មិនយូរប៉ុន្មាន លោកក៏ទទួលបានងារជាឧកញ៉ាថែមទៀតផង ។ អ្វីដែលកត់សម្គាល់មួយរយៈចុងក្រោយនេះ អតីតអ្នកនិពន្ធរូបនេះតែងបង្ហាញរូបភាពផ្អែមល្ហែមជាមួយ ម៉ាក់ អ៊ីអ៊ី រួមនឹងសារយ៉ាងចាក់ ដោតដែលធ្វើឱ្យអ្នកគាំទ្រមានការចាប់អារម្មណ៍ពីទំនាក់ទំនងរបស់ពួកគេ ។
កាន់តែច្បាស់នោះថ្មីៗនេះ អ៊ីអ៊ី បានចេញមុខបញ្ជាក់ច្បាស់ថា យឹម តាស្រង់ គឺជាប៉ាថ្មីរបស់ នាង ហើយនាងក៏ពេញចិត្តចំពោះទំនាក់ទំនងរវាងប៉ាថ្មី និងម៉ាក់ដែរ ។ បន្ថែមពីលើកការលើក ឡើងរបស់កូនស្រី ម៉ាក់ អ៊ីអ៊ី បាននិយាយថា«ខ្ញុំមិនដែលលាក់ទេបងប្អូនតែខ្ញុំគិតថាវា មិនចាំ បាច់ផុសអួតគេរឿងបែកបាក់នឹងរឿងជួបដៃគូថ្មីនោះនៅលើវិថី onlinesនោះទេ ចាំដល់ថ្ងៃ រៀបការគឺការតែម្ដងទៅវាមិនចាំបាច់ប្រកាសឫចុះជាសារព័ត៌មានប្រាប់ទៅដល់បងប្អូនអោយដឹងនោះទេសំខាន់ដឹងត្រឹមបងប្អូននឹងគ្រួសារនឹងកូនៗខ្ញុំទៅបានហើយព្រោះខ្ញុំជាមនុស្សសាមញ្ញធម្មតាទេអគុណសម្រាប់ក្ដីស្រលាញ់របស់បងប្អូនមកកាន់គ្រួសារEEw9»។
ការលើកឡើងច្បាស់ៗរបស់ ម៉ាក់ អ៊ីអ៊ី ក៏ទទួលបានការសាទរនិងត្រេកអរពីសំណាក់អ្នកលេង បណ្តាញសង្គម ហ្វេសប៊ុកដែលស្រឡាញ់និងចូលចិត្តអ្នកស្រីហើយក៏មានការអ្នកខ្លះលើក ឡើង ថាមិនមានអ្វីខុសប្លែកឡើយព្រោះពួកគាត់ទាំងពីរសុទ្ធតែនៅលីវមានតែជូនពរឱ្យ ស្រឡាញ់គ្នារៀងរហូត។ បើតាមប្រភពដែលកៀកកិតជាមួយ យឹម តាស្រង់ ក៏បានព្រលយថា ម៉ាក់អ៊ីអ៊ី និង ឧកញ៉ា យឹម តាស្រង់ ក៏មានគម្រោងរៀបការយ៉ាងអធិកអធមដូចកំលោះក្រមុំ នៅក្នុងពេលឆាប់ៗខាងមុខនេះគ្រាន់តែពួកគេពុំទាន់ចង់បង្ហាញជាសាធារណៈ៕
