សិល្បៈ
កក្កដា សុភ័ណ្ឌ កំពុងទទួលបានការងារជាបន្តបន្ទាប់ក្រោយពីទទួលបានតំណែងជាTop8 Miss Queen Cambodia 2023 កាលពីពេលថ្មីៗនេះ ។ អ្វីដែលគួរឱ្យចាប់អារម្មណ៍ពេលនេះ អតីតសង្ឈរូបនេះក៏បានដឹកដៃគូស្នេហ៍ស្លៀកឈុតកូនកំលោះក្រមុំបែបប្រពៃណីខ្មែរដោយអះអាងថានឹងរៀបចំពិធីមួយនៅក្នុងថ្ងៃទី ២៥ ខាងមុខនេះ ។
ជាមួយរូបភាពជាច្រើនសន្លឹករបស់ កក្កដា សុភ័ណ្ឌ និងគូស្នេហ៍ក្នុងឈុតអាពាហ៍ពិពាហ៍បែប បុរាណនោះ កក្កដា សុភ័ណ្ឌ បានប្រាប់ដោយខ្លីថា «ជួបគ្នាថ្ងៃទី២៥»។ងាកមកគូស្នេហ៍របស់ កក្កដា សុភ័ណ្ឌ ឯណេះវិញបានបង្ហាញអារម្មណ៍របស់ខ្លួនថាលោកពិតជាស្រឡាញ់ កក្កដា សុភ័ណ្ឌ ខ្លាំងណាស់ហើយមូលហេតុដែលលោកសម្រេចចិត្តដើរផ្លូវជីវិតរួមគ្នាជាមួយអតីត សង្ឈរូបនេះដោយសារ កក្កដា ជាមនុស្សស្មោះត្រង់ច្បាស់លាស់ និងសាច់ការថែមទៀត ។
មួយវិញទៀតនោះលោកក៏បានអរគុណដល់ឪពុកម្តាយនិងអ្នកលេងបណ្តាញសង្គមដែលស្រឡាញ៉ និងគាំទ្ររូបលោក និង កក្កដា សុភ័ណ្ឌ ។
ជាចុងក្រោយគូស្នេហ៍របស់ កក្កដា សុភ័ណ្ឌ ក៏សុំចិត្តមហាជនឈប់រិះ.គន់វា.យប្រ.ហារដល់ បេក្ខជន Top8 Miss Queen Cambodia 2023 រូបនេះផងព្រោះពេលនេះ កក្កដា សុភ័ណ្ឌ ស្ទើរ ក្លាយជាមនុស្សស្រី១០០ភាគរយទៅហើយ ។ ក្នុងនោះគូស្នេហ៍ កក្កដា សុភ័ណ្ឌ ដែលមាន ឈ្មោះថា លីមីង ជាអ្នកលក់អនឡាញម្នាក់នោះបានបន្ថែមថាលោកសម្រេចចិត្តរៀបកម្មវិធី នេះលឿនមែនទែន តែមិនមែនជាកម្មវិធីអធិកអធមអ្វីឡើយ តែយ៉ាងណាលោកសង្ឈឹមថាភ្ញៀវ កិត្តិយសទាំងអស់នឹងចូលរួមជូនពរដល់លោក និង កក្កដា សុភ័ណ្ឌ ក្នុងថ្ងៃពិសេសនេះផង៕
