សិល្បៈ
មិនរង់ចាំយូរពេលនេះតារាចម្រៀងរូបសង្ហាលោក សំ សុវណ្ណារ៉ាក់ បានចេញមុខនិយាយ ក្រោយពីឪពុកបង្កើតរបស់លោកបានប្រកាសកាត់កាលចេញពីគ្រួសារត្រកូលសំ ។ ហាក់មិន ចង់វែងឆ្ងាយតារាចម្រៀងដែលមានដើមកំណើតនៅខេត្តកំពតរូបនេះបានលើកឡើងថាលោក សុំបញ្ចប់ត្រឹមនេះដោយមិនវែកញែកព្រោះចង់រក្សាសិទ្ធផ្ទៃក្នុងគ្រួសារ ។
គេចាំបានថាកាលពីថ្ងៃទី ២៣ ម្សិលមិញនេះមានការចាប់អារម្មណ៍ជាខ្លាំងក្រោយពីបានឃើញ តារាចម្រៀង សំ សុវណ្ណារ៉ាក់ត្រូវឪពុកបង្កើតប្រកាសកាត់កាលចោលដោយលើកហេតុផលថា លោកមិនស្តាប់បង្គាប់ម៉ែឪហើយថែមទាំងជេ.រប្រ.មា.ថថែមទៀត ។ ប៉ុន្តែសាររួមនឹងរូបភាព ដែលឪពុករបស់តារាចម្រៀង សំ សុវណ្ណារ៉ាក់ ប្រកាសកាត់កាលនោះត្រូវបានលុបចេញទៅ វិញក្រោយពីមានការបញ្ចេញមតិវែកញែកជាច្រើន ។
ជាមួយនឹការចេញមុខមុខច្រានថោលថាលោកមិនមែនជាកូនអកកត្តញ្ញូនោះតារាចម្រៀង សំ សុវណ្ណារ៉ាក់ បានបង្ហោះសារដែលមានអត្ថន័យថា«ជម្រាបសួរបងប្អូនអ៊ុំពូមីងយាយតាហ្វេនៗ ជាទីគោរពស្រលាញ់បងប្អូនមួយចំនួនប្រហែលជាបានទទួលជ្រាបនឹងបានឃើញនូវពត៌មានដែលបានចុះផ្សាយថាខ្ញុំជាកូនអកត្តញ្ញូ ជេដៀលប្រ.មា.ថដល់ឪពុកម្តាយ ខ្ញុំបាទសំ សុវណ្ណារ៉ាក់ សូមបដិសេដទាំងស្រុងចំពោះពត៌មានទាំងអស់ដែលបានចុះផ្សាយ គឺផ្ទុយពីការពិតទាំងស្រុង
ហើយខ្ញុំបាទក៏សូមបញ្ចប់ត្រឹមនេះដោយមិនវែកញែករកហេតុផលបង្ហាញការខុសរឺត្រូវអ្វីទ្បើយ ខ្ញុំសូមរក្សាសិទ្ធផ្ទៃក្នុង រឿងគ្រួសារ ។*គ្រប់បញ្ហាដែលកើតទ្បើងនៅលើលោកនេះ បងប្អូនអើយគឺត្រូវតែមានហេតុនឹងផល មានភ្លើងមានផ្សែង ដូច្នេះសូមបងប្អូនទទួលជ្រាប
ដោយក្តីគោរពពីខ្ញុំ សំ សុវណ្ណារ៉ាក់ នឹងសូមអង្វរដល់បងប្អូនមួយចំនួនមុននឹងខមិនស៊ែរ បញ្ចេ ញមតិ សូមមានការត្រិះរិះពិចារណាអោយបានត្រូវនឹងយល់ច្បាស់ពីបញ្ហា»។
ជាចុងតារាចម្រៀងរូបនេះបានលើកទឹកចិត្តដល់ខ្លួនឯងថាលោកអាចទ្រាំបានព្រោះទ្រាំនឹង បញ្ហាគ្រប់យ៉ាងបានជិតពាក់កណ្តាលជីវិតទៅហើយទ្រាំទៀតក៏មិនអីដែរ។ ជាមួយពាក្យ ពេចន៍ដ៏វែងអន្លាយរបស់តារាចម្រៀងប្រចាំផលិតកម្មហង្សមាសរូបនេះក៏ទទួលបានការចូល រួមផ្តល់កម្លាំងចិត្តពីសំណាក់អ្នកលេងបណ្តាញសង្គមជាច្រើន៕
