សង្គម
ក្រោយសម្ពោធជំនួញខ្ទង់លានដុល្លារនៅខេត្តព្រះសីហនុមិនប៉ុន្មានផងអតីតតារាសម្តែង វ៉ាន់ ម៉ូនិច និងស្វាមីបានបណ្តើរគ្នាទៅដើរកម្សាន្តនៅប្រទេសជប៉ុនយ៉ាងមានក្តីសុខដូចកំលោះក្រ មុំដែលធ្វើឱ្យមិត្តភក្តិក្នុងបណ្តាញសង្គមមានការលាន់មាត់សរសើរពីភាពហាយសូររបស់អតីតតារាសម្តែងរូបនេះ។
វ៉ាន ម៉ូនិច បានប្រើជីវិតយ៉ាងហាយសូរក្រោយពីអ្នកនាងបានភ្ជាប់ស្នេហ៍ជាមួយស្វាមីជាឧកញ៉ាហើយពេលនេះពួកគេក៏មានកូនពីរនាក់ជាចំណងដៃ ហើយកាលពីចុងខែមករា វ៉ាន់ ម៉ូនិច និងស្វាមីទើបនឹងសម្ពោធសណ្ឋាគារយ៉ាងស្រស់ស្អាតនៅខេត្តព្រះសីហនុដែលត្រូវគេដឹងថាជាជំនួញដែលចំណាយដើមទុនច្រើន ។សណ្ឋាគារនោះមានស្លាកយីហោជាឈ្មោះអ្នកនាងតែម្តង ។
អ្វីដែលគួរឱ្យសរសើរបើទោះមានកូនពីរជាចំណងដៃទៅហើយក្តី តែជីវិតគូរបស់ អតីតតារាសម្តែងធ្មេញច្រពើសរូបនេះនៅតែផ្អែមល្ហែមដោយអ្នកនាង និងស្វាមីតែងបណ្តើរគ្នាទៅកម្សាន្តនៅតាមបណ្តាប្រទេសនានាដូចគូស្នេហ៍ថ្មិថ្មោង។ ជាក់ស្តែងថ្មីៗនេះ វ៉ាន់ ម៉ូនិច និងស្វាមីបានទៅលំហែនៅប្រទេសជប៉ុនយ៉ាងរីករាយទៀតផង ។
មិនខុសពីសព្វដងឡើយអតីតតារាសម្តែងរូបនេះបានចែករំលែករូបភាពយ៉ាងផ្អែមល្ហែមនៅក្នុងដំណើរកម្សាន្តរបស់អ្នកនាង និងស្វាមីឃើញហើយពិតជាផ្អែមល្ហែមមិនចាញ់គូស្នេហ៍ក្មេងៗប៉ុន្មានឡើយ។ វ៉ាន់ ម៉ូនិច ត្រូវបានគេចាត់ទុកជាអតីតសិល្បការិនីម្នាក់ដែលមានសំណាងព្រោះមិនត្រឹមមានស្វាមីជាអ្នកមានទ្រព្យនិងឋានៈនោះទេ អ្នកនាងក៏ទទួលបានក្តីស្រឡាញ់និង យល់ចិត្តពីសំណាក់ស្វាមីយ៉ាងគាប់ចិត្តផងដែរ ៕
