លោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា នៅថ្ងៃទី ០៩ ខែឧសភា ឆ្នាំ២០២៣នេះ បានប្រកាសស្វែងរក Lend Camera VDO សម្រាប់ចាប់ប្លង់ពេលចេញចូល ដោយសំណូមពរឱ្យអ្នកដែលបានយកដោយអចេតនា មេត្តាប្រគល់ជូនសហ័ពន្ធវិញផង។
ការប្រកាសនេះក្រោយពីLend Camera នេះបានបាត់បន្ទាប់ពីការប្រកួតកីទ្បាករជម្រើសជាតិបាល់ទះកម្ពុជា(បុរស) ចាញ់ ឥណ្ឌូនេស៊ី ក្នុងវគ្គផ្តាច់ព្រ័ត្រដណ្តើមមេដាយមាស ។ តាមរយៈសំណេររបស់អគ្គលេខាធិការសហព័ន្ធកីឡាបាល់ទះកម្ពុជាបានថ្លែងយ៉ាងដូច្នេះថា៖
«បងប្អូនដែលបានដោះ ឬរើសបាន Lend Camara VDO Challenge ដោយអចេតនា សូមមេត្តាយកប្រគល់ជូនសហព័ន្ធវិញផង ខ្ញុំសូមអង្វរ ដោយសេចក្តីគោរពពីខ្ញុំបាទ(លេខទូរស័ព្ទទំនាក់ទំនង011988887)…. ដើម្បីជាតិ ប្រជាជន និងយុវជន🇰🇭»
