ខណៈមហាជននៅក្នុងបណ្តាញសង្គមកំពុងផ្ទុះការគាំទ្រក្រោយឃើញប្រាសាទថ្ម សីហនគរ មានការចម្លងដូចទៅនឹងរចនាបថរបស់ប្រាសាទអង្គរវត្ត ។ ស្រាប់តែ ចំប៉ឺខ្មៅ បានបង្ហោះសារនៅលើបណ្តាញសង្គមដោយនិយាយថានឹងធ្វើចុះទៅថតរូបភាពសំណងទាំងនេះ តែសុំឱ្យអ្នកមហាជន ជួយចេញថ្លៃចំណាយចំនួន ១០០០ដុល្លារ ។ អ្វីដែលកត់សម្គាល់ មិនដល់មួយថ្ងៃស្រួលបួលផង ចំប៉ឺខ្មៅ ទទួលបានប្រាក់ពីសប្បុរជនរហូតដល់ទៅ ១៤០០ដុល្លារ តែយ៉ាងណា ចំប៉ីខ្មៅ បានប្តូរចិត្តមិនទៅប្រទេសថៃដោយបញ្ជាក់ថានឹងធ្វើរឿងរំភើបផ្សេងទៅវិញ ។
កាលពីថ្ងៃទី ២៦ ម្សិលមិញនេះ ចំប៉ីខ្មៅ បានបង្ហោះសារដែលមានអត្ថន័យថា«តោះធ្វើសកម្ម ភាពតែម្ដង ខ្ញុំសុំឱ្យអ្នកទាំងអស់គ្នាជួយខ្ញុំថ្លៃធ្វើដំណើរ ទៅពិនិត្យ មើលសំណង់ នៅប្រទេសថៃ ៣ថ្ងៃ អាចចំណាច ត្រឹម 1000$ ទាំងថ្លៃទៅ មក និង ស្នាក់នៅ ។សូមបញ្ជាក់ ខ្ញុំទៅ បង្ហាញ តែ ក្បាច់ សំណង់ និង ការសាងសង់ មិនបញ្ចាក់ រឿងដែលប៉ះពាល់ដល់ ប្រយោជន៍ជាតិយើងទាំងពីរវាង កម្ពុជា ថៃ ដែលជាប្រទេសជិតខាង នោះទេ ។ ខ្ញុំគ្រាន់ តែទៅបង្ហាញឱ្យជាក់លាក់ និង ប្រាកដ ថា ដូច ឬ មិនដូច បើដូច ដូចកន្លែង ណា បើមិនដូច មិនដូចកន្លែងណា ។
1000$ គឺល្មម ក្នុងការធ្វើដំណើរ ។សូមបងប្អូនទាំងអស់គ្នា កុំបន្ទោសថ្នាក់ដឹក នាំ សូមកុំចោទក្រសួង សូមកុំ និយាយអ្វី ដែលធ្វើឱ្យប៉ះពាលប្រយោជន៍ជាតិ ។ខ្ញុំ ទៅគ្រាន់តែមានចេត នា បញ្ជាក់ ឱ្យច្បាស់ ក្នុងនាមជាកូនខ្មែរមួយរូបប៉ុណ្ណោះ ខ្ញុំគ្រាន់តែមានចិត្តចេះឈឺឆ្អាល់ ទៅតាម លទ្ធភាពសូមគោរពអរគុណ សូមឱ្យគ្រប់គ្នាគោរពតួនាទីរបស់ក្រសួង ដែលពួកគាត់អាចចរចារតាមរយៈទូត ព្រោះរាជរដ្ឋាភិបាលយើងមិនរំលងរឿងនេះទេ ពួកគាត់ យកចិត្តទុកដាក់ណាស់រឿងអត្តសញ្ញាណជាតិយើងយើងជាខ្មែរតែមួយ មានតែរួមគ្នាទេ»។
អ្វីដែលកត់សម្គាល់មិនដល់មួយថ្ងៃស្រួលបួលផង ចំប៉ីខ្មៅ បានទទួលការជួយជ្រោមជ្រែងពីសំណាក់អ្នកលេងបណ្តាញសង្គមដោយម្នាក់ៗបានបាញ់ចំនួនទឹកប្រាក់ទៅតាមលទ្ធភាព ដែលធ្វើឱ្យ ចំប៉ីខ្មៅ បានទទួលទឹកប្រាក់ដល់ទៅ ១៤០០ដុល្លារឯណោះ ។ ប៉ុន្តែយ៉ាងណាចុងក្រោយនេះ ចំប៉ឺខ្មៅ បានបង្ហោះសារថា ខ្លួនសម្រេចចិត្តមិនធ្វើដំណើរទៅប្រទេសថៃទេ ដោយយកទឹកប្រាក់ដែលបានមកពីសប្បុរជនទាំងអស់ទៅធ្វើរឿងរំភើបផ្សេងវិញ តែមិនបានប្រាប់ថាជារឿងអ្វីឡើយ ដោយទុកឱ្យម្ចាស់ទឹកប្រាក់តាមដានបន្ត។ ពេលនេះដែរ ចំប៉ីខ្មៅ ក៏បានបញ្ឈប់ការទទូលប្រាក់ពីសប្បុរជននានាដែរ ៕
