មិនឱ្យមហាជន សង្ស័យច្រើនពេលនេះតារាសម្តែងរូបសង្ហា ប៊ឺរី បានប្រកាសពីចំណងស្នេហ៍ជាមួយអ្នកជំនួញអនឡាញល្បីឈ្មោះ ម៉ាដាម ដា ជាសាធារណៈកាលពីពេលថ្មីៗនេះ។ ការភ្ជាប់ស្នេហ៍ជាមួយអ្នកជំនួញទ្រព្យស្តុករូបនេះរបស់កំលោះសង្ហា ប៊ឺរី បានធ្វើឱ្យមហាជនមិនតិចទេលាន់មាត់សរសើរពីវាសនារបស់លោក ដែលមានគូស្នេហ៍មានជាកញ្ចប់មិនថាទ្រព្យធន ជំនួញ និងរូបសម្រស់ឡើយ ។
គួររំឮកថា ក្រោយពីបែកស្នេហ៍ជាមួយដៃគូភេទដូចគ្នាមិនបានប៉ុន្មានផងអ្នកជំនួញអនឡាញ ម៉ាដាម ដា បានងាកមកបង្ហាញភាពស្អិតរមួតជាមួយBA រូបសង្ហាលោក ប៊ឺរី តាមរយៈការបង្ហាញរូបភាពផ្អែមល្ហែមរួមនឹងសកម្មភាពនានាដូចគ្រួសារតែមួយ ។ អ្វីដែលកត់សម្គាល់មិនចង់ឱ្យមានមន្ទិលច្រើនកំលោះសង្ហា ប៊ឺរី ក៏បានចេញមុខសារភាពពីចំណងស្នេហ៍ជាមួយ ម៉ាដាម ដា ព្រោះទាំងបង្ហើបពីគម្រោងអនាគតរួមគ្នានឹងគម្រោងរៀបការជាមួយគ្នាថែមទៀតផង ។
ជាមួយនឹងការប្រកាសពីទំនាក់ទំនងស្នេហារបស់ថៅកែស្រីនិងBA រូបសង្ហាបានធ្វើឱ្យមហាជនជាច្រើនមានការសាទរចំពោះតារាប្រុសលោក ប៊ឺរី ដោយអ្នកខ្លះបានសរសើរចំៗពីវាសនារបស់តារាប្រុសរូបនោះដែលមានឱកាសភ្ជាប់ស្នេហ៍ជាមួយអ្នកជំនួញទ្រព្យស្តុកដែលមានទាំងព្រមមិនថាទ្រព្យធន ភាពវ័យឆ្លាត មុខជំនួញរួមនឹងសម្រស់នោះឡើយ ។
ងាកមក ម៉ាដាម ដា ឯណេះវិញក៏បានព្រលយពីបំណងចង់បានកូនប្រុសភ្លោះក្រោយលោក ប៊ឺរី ទម្លាយពីទំនាក់ទំនងស្នេហាជាសាធារណៈ។ មិនតែប៉ុណ្ណោះលោកស្រីក៏បានឱ្យដឹងថារវាងខ្លួន និងលោក ប៊ឺរី ពិតជាមានចំណុចដូចគ្នាជាច្រើនមិនថា ចរិក ការនិយាយស្តី ចំណង់ចំណូលចិត្ត រួមនឹងការចូលចិត្តអាហារជាដើម ។ ម៉ាដាម ដា ក៏បានរៀបរាប់ថា មិនបានដឹងថាស្រឡាញ់គ្នាតាំងពីពេលណា តែមានអារម្មណ៍ថាកក់ក្តៅនិងរីករាយពេលបាននៅជិតគ្នា ជាពិសេសមិនចាប់បាច់កែប្រែគ្នាព្រោះមានចំណុចដូចគ្នាជាច្រើន៕
