ជឿជាក់ថាអ្នកលេងបណ្តាញសង្គមពិតជាបានស្គាល់តារារូបសង្ហា ហ៊ាក្តី ដែលតែងលេចមុខនៅក្នុងការផ្សព្វផ្សាយផលិតផលនានា ក៏ដូចជានៅក្នុងរឿងកំប្លែងខ្លីៗរបស់ ពូ ណុយ។ ប៉ុន្តែអ្វីដែលកត់សម្គាល់អ្នកគាំទ្រអត់ដែលដឹងថា ហ៊ាក្តី មានភរិយា និងកូនប្រុសដល់ទៅពីររូបនោះឡើយ ។
ជាមួយនឹងរូបរាងស្រស់សង្ហាបានធ្វើឱ្យ ហ៊ាក្តី ទទួលបានការចាប់អារម្មណ៍ពីសំណាក់ម្ចាស់ផលិតផលនានាជាបន្តបន្ទាប់ តែថ្មីៗនេះ ហ៊ាក្តី បានអះអាងថាលោកមានគម្រោងនឹងចេញទៅរស់នៅសហរដ្ឋអាមេរិកជាមួយភរិយានៅក្នុងពេលឆាប់ៗនេះ។ប៉ុន្តែលោកនៅតែទទួលផ្សព្វ ផ្សាយផលិតផលដដែលព្រោះលោកមិនមានបំណងរស់នៅអាមេរិកជាប់លាប់ទេពោលចុះឡើងៗប៉ុណ្ណោះ ។
ការលើកឡើងរបស់ ហ៊ាក្តី បានធ្វើឱ្យអ្នកគាំទ្រមានការភ្ញាក់ផ្អើលព្រោះមិនដែលដឹងសោះថាលោកមានភរិយានៅអាមេរិកនោះឡើយ តែមិនមែនមានតែភរិយានោះទេ ហ៊ាក្តី មានកូនប្រុសពីរនាក់ដែលកូនច្បងមានវ័យជំទង់ទៅហើយ ។ នេះក៏ជាលើកដំបូងដែលលោកបានបើកបង្ហាញថាមានភរិយានិងកូនតាមបណ្តាញសង្គម។
ទោះជាមានរូបសង្ហានិងបានថតសម្តែងជាមួយតារាស្រីស្អាតៗក្តី តែ ភរិយារបស់ ហ៊ាក្តី មិនមានការហាមឃាត់ឬប្រចណ្ឌចំពោះការងារសិល្បៈរបស់លោកឡើយបើទោះពួកគេរស់នៅឆ្ងាយពីគ្នាក្តី ។ ក្រៅពីលេចមុខនៅក្នុងការថតផលិតផលនានា ហ៊ាក្តី តែងបង្ហាញវត្តមាននៅក្នុងការសម្តែងរឿងជាមួយក្រុមកំប្លែងរបស់ ពូណុយ ជាច្រើន៕
