អ្នកលេងបណ្តាញសង្គមជាច្រើនបានលាន់មាត់សរសើរចំពោះសកម្មភាពរបស់អ្នកនាង ផន សុផារី ដែលបានសម្រេចក្តីស្រមៃរបស់ក្មេងប្រុសម្នាក់ដោយអនុញ្ញាតឱ្យក្មេងប្រុសរូបនោះទៅអង្គុយនៅក្នុងរថយន្តទំនើបរបស់ខ្លួន ម៉ាក Lamborghini នៅក្នុងព្រឹត្តិការណ៍ Gumball 3000។
គួរឱ្យដឹងថាអ្នកនាង ផន សុផារី និងស្វាមី ក៏បានចូលរួមនៅក្នុងព្រឹត្តិការណ៍ Gumball 3000 ដែរ តែអ្វីដែលគួរឱ្យកត់សម្គាល់តាមរយៈវីដេអូខ្លីមួយដែលអ្នកនាង ផន សុផារី បានបង្ហោះនោះបានធ្វើឱ្យអ្នកគាំទ្រជាច្រើនលាន់មាត់សរសើរចំពោះទឹកចិត្តល្អរបស់អ្នកនាងនិងស្វាមី ដែលបើកចិត្តទូលាយចំពោះក្មេងប្រុសម្នាក់ ។
តាមរយៈវីដេអូនោះបានបង្ហាញថាមានក្មេងប្រុសម្នាក់បានដើរទៅផ្អែក រថយន្តទំនើបមួយគ្រឿងហើយពេលនោះស្វាមីរបស់ ផន សុផារី បានហៅក្មេងប្រុសនោះមកអង្គុយក្នុងរថយន្តទំនើប Lamborghini របស់ខ្លួន។ បន្ថែមពីនេះ ផន សុផារី ក៏បានទៅដឹកដៃនឹងបានឱ្យក្មេងប្រុសរូបនោះដើម្បីកុំឱ្យគេ ខ្លាចអ្នកនាង និងស្វាមីហើយឱ្យក្មេងប្រុសនោះមកអង្គុយ នៅក្នុងរថយន្តរបស់ខ្លួនដោយមិនមានការរើសអើងអ្វីឡើយ ។ ផន សុផារី ក៏បានភ្ជាប់សារថា« កុំខ្លាចនិងក្តីស្រមៃ Keep going ma boy, your dream will come true»។
ដ្បិតមើលទៅជាទង្វើសាមញ្ញពិតមែន តែអ្នកលេងបណ្តាញសង្គមជាច្រើនបានបង្ហាញការរំជួលចិត្តនឹងលាន់មាត់សរសើរដល់ទឹកចិត្តរបស់ស្វាមីភរិយាមួយគូនេះដែលមានចិត្តទូលាយ ចង់ឱ្យក្មេងប្រុសរូបនេះបានសម្រេចក្តីស្រមៃ ជាពិសេសក៏ដូចជាការលើកទឹកចិត្តមួយដល់ក្មេងប្រុសរូបនោះផងដែរ ។បើក្រឡេកមើលទឹកមុខរបស់ក្មេងប្រុសរូបនោះហាក់មានចិត្តសប្បាយរីករាយជាខ្លាំងក្រោយគេបានអង្គុយនៅក្នុងរថយន្តទំនើបមួយនេះ ។
មានការចូលរួមខមិនជាបន្តបន្ទាប់ចំពោះវីដេអូរបស់អ្នកនាង ផន សុផារី ថា «អនាគតក្មេងមើលមិនឃើញ ធំទ្បើងអាចនិងបានដូចក្តីសម្រៃ មីងជូនពរក្មួយ» «ខ្ញុំមើលហើយញញឹមតែម្នាក់អែង» «អរគុណបងបងទាំងពីរមានទឹកចិត្តណាស់មានតែអ្នកដែលស្រលាញ់ទេទើបយល់អារម្មណ៍បែបនឹងរំភើបខ្លាំងមិចពេលបាននៅជិតប៉ះរបស់ខ្លួនឯងស្រលាញ់ខ្ញុំរំភើបជំនួសអូនតូចណាស់បង»៕
