២៧ឆ្នាំហើយដែលតារាចម្រៀង ព្រាប សុវត្ថិ បានចាប់អាជីពសិល្បៈហើយក៏មានបទចម្រៀងក្បែរបួនពាន់បទទៅហើយ។ វ័យកាន់តែជ្រេអ្នកគាំទ្រជាច្រើនចង់ឱ្យតារាចម្រៀងដែលស្ពាយងារជាឧកញ៉ារូបនេះបានភ្លក្សរសជាតិច្រៀងSolo Concert ឱ្យបានម្តងខណៈ តារាចម្រៀង ឱក សុគន្ធកញ្ញា ត្រៀមធ្វើការប្រគំតន្រ្តីទោលជាលើកទីពីរនៅក្នុងពេលឆាប់ៗខាងមុខនេះ។
គួរឱ្យដឹងថាតារាចម្រៀង ឱក សុគន្ធកញ្ញា បានទទួលជោគជ័យខ្លាំងនៅក្នុងការធ្វើ Solo Concert ជាលើកដំបូងដោយទទួលបានការគាំទ្រពីសំណាក់ ហ្វេន ហ្វេន ភ្លូកទឹកភ្លូកដី បើទោះតម្លៃសំបុត្ររាងខ្ពស់បន្តិចក្តី ។
ឆាប់ៗខាងមុខនេះតារាចម្រៀង ឱក សុគន្ធកញ្ញា ក៏ត្រៀមនឹងធ្វើ Solo Concert ជាលើកទីពីរនៅក្នុងខេត្តបាត់ដំបងផងដែរ។ ងាកមកអ្នកគាំទ្រតារាចម្រៀងប្រុសលំដាប់ប្រទេស ព្រាប សុវត្ថិ វិញក៏ចង់ឱ្យអាយដលខ្លួនមានការប្រគំតន្រ្តីទោលព្រោះលោកក៏មានបទចម្រៀងល្បីៗជាច្រើនបទមិនចាញ់ ឱក សុគន្ធកញ្ញា ឡើយ។ ណាមួយសម្រាប់ឆ្នាំនេះលោកក៏មានវ័យជ្រេ ៤៩ឆ្នាំទៅហើយដែរ។គេមិនទាន់ដឹងថាតើការស្នើសុំ ឱ្យតារាចម្រៀង ព្រាប សុវត្ថិ ធ្វើ Solo Concertពីសំណាក់ ហ្វេន ហ្វេន នឹងទទួលបានលទ្ធផលបែបណាឡើយព្រោះតារាចម្រៀង ព្រាប សុវត្ថិ ហាក់មិនទាន់ចេញមុខឆ្លើយតបនៅឡើយ ទេ ។
ប៉ុន្តែក៏មានមតិខ្លះលើកឡើងថាប្រហែលជាមិនអាចទៅរួចព្រោះថាពេលនេះតារាចម្រៀង ព្រាប សុវត្ថិ ជាតារាចម្រៀងប្រចាំផលិតកម្មហ្គាឡាក់ស៊ីហើយប្រសិនធ្វើ Solo Concert លោកអាចនឹងជ្រើសយកបទពិរោះៗល្បីៗកាលនៅទ្រនំចាសផលិតកម្មហង្សមាសទៅច្រៀងដូច្នះច្បាស់ណាស់ថាប្រាកដជាមិនអាចទៅរួចព្រោះថាផលិតកម្ម Galaxy ប្រហែលមិនប្រូម៉ូតបទ នៅផលិតកម្មផ្សេងនោះទេ ។បើអាចលុះត្រាតែអ្នករៀបចំការប្រគុំតន្រ្ដីនោះជាម្ចាស់Sponsor ផ្សេងមិនមែនជាទ្រនំ Galaxy ។ អ្វីដែលកត់សម្គាល់ពេលបង្ហាញវត្តមាននៅក្នុងការប្រគំតន្រ្តីភាមបណ្តារខេត្តភាគច្រើនឧកញ៉ា ព្រាប សុវត្ថិ និយមច្រៀងបទចាស់ៗល្បីរបស់ខ្លួនដែលមានដូចជា «យក្សរាំធុងបាស់» «មាន់ស្រែបន្លែស្រស់» ជាដើម៕
