ករណីឃាតកម្មទៅលើតារាចម្រៀង សាន ស្រីឡៃ នៅក្នុងហាងកែសម្ភស្ស Vita Longa កែងស្ថានីយ៍ទូរទស្សន៍អប្សរា សង្កាត់បឹងកេងកង១ ខណ្ឌចំការមន រាជធានីភ្នំពេញ គឺមានជនរងគ្រោះ២នាក់។
ទី១ ឈ្មោះ សាន ស្រីឡៃ (បច្ចុប្បន្នជាតារាចម្រៀង ប្រចាំស្ថានីយ៍ទូរទស្សន៍ហង្សមាស)។
ទី២ ឈ្មោះ ជ័យ រិន ជាមន្រ្តីគយនៅខេត្តត្បូងឃ្មុំ ដែលត្រូវជាអតីត ស្វាមី សាន ស្រីឡៃ ។
បើតាមវីដេអូ គឺស្ដ្រីរងគ្រោះ សាន ស្រីឡៃ បានដើរចូលទៅក្នុងមន្ទីរសម្រាកព្យាបាល វ៉ាយ តាឡុងហ្គា ស្រាប់តែភ្លាមៗនោះ មានឃាតកបានជិះម៉ូតូមកបាញ់ជាច្រើនគ្រាប់ ទៅលើស្ដ្រីរងគ្រោះបណ្ដាលឲ្យដួលស្លាប់ភ្លាមៗតែម្ដង រួចហើយឃាតករក៍បានបាញ់សម្លាប់ខ្លួនតាមក្រោយ។
វីដេអូពេលបាញ់សម្លាប់
សូមបញ្ជាក់ថា ក្រោយពីបញ្ចប់ការប្រលង កម្មវិធី The Voice Cambodia ស្រីឡៃ បានប្រកាសជាសាធារណៈថា នាងបានរៀបការប្តីរួច និងមានកូនពីរហើយ ប៉ុន្តែគ្រាន់តែក្លាយជាតារាចម្រៀងនៅក្នុងផលិតកម្មហង្សមាសភ្លាម សាន ស្រីឡៃ ក៏បានប្រកាសថា ជីវិតគូប្តីប្រពន្ធរបស់នាងត្រូវបានបញ្ចប់ហើយ ដោយសាររស់នៅមិនចុះសម្រុងគ្នា ៕
