សារដ៍ក្ដុកក្ដួល ដែលបានផូសដោយ លោក ជុំ សំអង បាននិយាយពី ជីវិតអ្នកនិពន្ធទំនុកភ្លេង និងអ្នកនិពន្ធទំនុកច្រៀង ដែលខណៈនេះដែលមានទុក្ខលំបាកខ្លាំង ដែលប្រពន្ធជាទីស្រលាញ់របស់គាត់ បាត់បង់ជីវិត មូលហេតុដោយវះសម្រាលកូននៅមន្ទីរកាល់ម៉ែត ខាងក្រោមនេះជាសារដែលរៀបរាប់ដោយគណនីខាងលើ ៖
បងប្រុស តូណូ សាគិ (Tonosaki) គឺជាតន្ត្រីក និងជាអ្នកនិពន្ធទំនុកភ្លេងដែលមានស្នាដៃ និងឈ្មោះល្បីនៅក្នុងប្រទេសកម្ពុជា ពេលនេះបងប្រុសមានទុក្ខជាទម្ងន់ ដោយប្រពន្ធរបស់គាត់បានបាត់បង់ជីវិត មូលហេតុដោយវះសម្រាលកូននៅមន្ទីកាល់ម៉ែត នាថ្ងៃទី២៦ ខែតុលា ឆ្នាំ ២០១៦។
ខ្ញុំបាទបានទៅចូលរួម បុណ្យសពប្រពន្ធបងប្រុស ពេលនោះខ្ញុំទប់ទឹកភ្នែកមិនជាប់ជាមួយទិដ្ឋភាពដ៏សង្វែក ។
ប្រពន្ធបាត់បង់ជីវិត បន្សល់ទុកកូនប្រុសបីនាក់នៅជាមួយបងប្រុសដែលពិការជើង ដើរដោយឈើច្រត់ គាត់យំផ្តួលប្រាណ ព្រោះស្រណោះប្រពន្ធជាពន់ពេក តើអ្នកណាយល់ពីអារម្មណ៍មួយនេះ? គាត់តែងតែរឹងមាំ ហើយគាត់ជាមនុស្សម្នាក់មិនដែលបញ្ចេញពីភាពលំបាកអោយអ្នកដ៏ទៃដឹង គាត់តែងតែញញឹមប្រឹងធ្វើការងារ តែពេលដែលគាត់ជួបទុក្ខកំបាក គាត់ខ្វះកម្លាំងចិត្ត ពីអ្នកធ្លាប់ធ្វើការជាមួយគាត់ច្រើនម្លេះ?
តារាចម្រៀង ដែលតែងតែទៅបញ្ចូលបទនៅ Studio គាត់ ភាគច្រើនក៏មិនបានចូលរួម តើគាត់បានរំខានអ្វីខ្លះដល់អ្នកទាំងអស់គ្នាកន្លងមក គាត់មានតែជួយអ្នកទាំងអស់គ្នា ហេតុអ្វិបានជាពេលដែលគាត់មានទុក្ខលំបាកអ្នកទាំងអស់គ្នាមើលរំលងគាត់? អ្នកចម្រៀងច្រៀងមានលុយហូរចូល មានដែលគិតទេថា គាត់ប្រឹងអង្គុយធ្វើភ្លេង យប់ខ្លះមិនបានដេកពួន ។
ទឹកចិត្ត និងឆន្ទះដ៏ល្អរបស់គាត់ដែលជាតន្ត្រីក ពិការជើងម្នាក់នេះ អ្នកទាំងអស់គ្នាមិនចង់រាប់រកទេមែនទេ?
