ឃើញរូបសំណាកស្វាមីតាមប្រព័ន្ធហ្វេសប៊ុកភ្លាម អ្នកស្រី ប៊ូ រចនា ស្រក់ទឹកភ្នែក ត្បិតអីលែងបាននៅក្បែរមនុស្សជាទីស្រឡាញ់។
អ្នកស្រីថ្លែងអំណរគុណដល់បងប្អូនដែលគាំទ្រលោកបណ្ឌិត និងអរគុណដល់ជាងចម្លាក់ដែលខិតខំសង់រូបសំណាកបានយ៉ាងល្អ។
ជាចុងក្រោយអ្នកស្រីអំពាវនាវអោយអាជ្ញាធរបើកចិត្តអោយទូលាយអនុញ្ញាតដល់គណៈកម្មការធ្វើពិធីបុណ្យ១០០ថ្ងៃដល់ស្វាមីអ្នកស្រីនៅទីតាំងវត្តចាស់។
រូបសំណាកលោកបណ្ឌិត កែម ឡី នឹងដង្ហែរចេញពីខេត្តកំពង់ស្ពឺមកភ្នំពេញនៅថ្ងៃទី១៣ ខែតុលាខាងមុខនេះ ដើម្បីយកមកធ្វើបុណ្យឧទ្ទិសកុសលជូនដល់លោកបណ្ឌិត កែម ឡី ក្នុងគំរប់ខួប១០០ថ្ងៃ ដែលត្រូវធ្វើឡើងនៅវត្ដចាស់នាថ្ងៃទី១៤ ដល់ទី១៦ តាមការគ្រោងទុក។
ទាក់ទងនឹងការធ្វើពិធីបុណ្យ១០០ថ្ងៃ ព្រះតេជព្រះគុណ ប៊ុត ប៊ុនតិញ មានសង្ឃដីការថា គណកម្មការនៅតែធ្វើឡើងនាទីតាំងវត្តពោធិយារាម ហៅវត្ដចាស់ដដែល បើទោះបីជាអាជ្ញាធរមិនអនុញ្ញាត ។
ទស្សនាវីដេអូខាងក្រោម៖
