វិធី5យ៉ាង ដើម្បីគេចវេស មិនទៅហូបការមិត្តភក្តិ៖
1. នៅថ្ងៃដែលគេចូលរោង ត្រូវធ្វើពុតជាឈឺ រាករូស រឺក្អួតចង្អោរ ដោយបង្ហោះរូបភាពធ្វើជាបន្តោងសេរ៉ូម នៅលើគ្រែ និងលាបបូរមាត់ឲ្យស្លេក ហើយសរសេរថា៖ "Sickហើយ all nop"។
2. ធ្វើជាជាប់បេសកកម្ម ត្រូវទៅខេត្ត រឺទៅប្រទេសក្រៅជាបន្ទាន់ ដោយបង្ហោះជារូបលិខិតឆ្លងដែន នៅព្រលានយន្តហោះ រឺរូបវ៉ាលីធំៗជាដើម ដោយសរសេរថា៖ "លាហើយHome Sweet Home ! Miss you all"។
3. បង្ហោះរូបថត នៅការិយាល័យពេលយប់ជ្រៅ ហើយធ្វើជាសរសេរ ទម្លាក់កំហុសទៅលើប្រធាន ថាបង្ខំខ្លួនឲ្យធ្វើការងារថែមម៉ោង ដ៏សំខាន់មួយ ដែលចាំបាច់សម្រាប់ក្រុមហ៊ុន (តែត្រូវ Set privacy កុំឲ្យមិត្តរួមការងារ និងប្រធានឃើញរូបនោះជាដាច់ខាត)។
4. ធ្វើជាឈ្លោះគ្នាជាមួយអ្នកផ្ទះ រឺមនុស្សជាទីស្រលាញ់ ដោយសរសេរជា Statusថា "ខ្ញុំនឹងចេញឲ្យបាត់ពីផ្ទះនេះ" រឺមួយក៏ "ខ្ញុំនឹងដើរចេញដើម្បីឲ្យអ្នកសប្បាយចិត្ត" រឺក៏ "លាហើយពិភពលោកដ៏ស្រស់បំព្រង" ហើយបើអាច ដើម្បីឲ្យកាន់តែមានអំណះអំណាងទៀតនោះ គួរផុសរូប ថ្នាំពេទ្យមួយកំប៉ុង ចាក់លើបាតដៃ ធ្វើដូចជាចង់លេបថ្នាំនោះតែម្តង។
5. ធ្វើជាស្លៀកពាក់ទៅចូលរួមធម្មតា តែធ្វើឲ្យប្រឡាក់ភក់ ឲ្យពេញសម្លៀកបំពាក់ ហើយផុសរូបថតក្នុងហ្វេសប៊ុក ដូចជាខ្លួនបានដួលម៉ូតូ រឺជិះឡានជាប់ផុង ត្រូវចុះរុញ ប្រឡាក់ខោអាវអស់ជាដើម។
វិធីទាំង5នេះ ពិតជាអាចគេចវេសបាន យ៉ាងមានប្រសិទ្ធិភាព។ ប៉ុន្តែបើយើងជាមនុស្សមានទឹកចិត្តវិញ យើងក៏គួរតែផ្ញើចំណងដៃខ្លះៗដែរ ទោះមិនបានចូលរួមក៏ដោយ។ មិនតែប៉ុណ្ណោះ វិធីនេះមិនអាចអនុវត្តញយដងពេកឡើយ បើមិនដូច្នោះទេ នៅពេលមង្គលការយើងវិញ គឺប្រាកដជាគ្មានអ្នកណាចូលរួម ក្រៅពីអ្នករត់តុ អ្នកចាប់ទឹកកក ក្រុមតន្ត្រី និងក្រុមចុងភៅនោះទេ។ មានទៅ មានមក ទើបមានមិត្ត ! បំណងល្អ ពីរំដួល ❤
