ក្រោយព្រះរាជពិធី បុណ្យអុំទូក បណ្តែតប្រទីប អកអំបុក និង សំពះព្រះខែ បានប្រព្រឹត្តិចប់ទៅ គេឃើញថា បរិស្ថាន នៅទីក្រុងភ្នំពេញ តំបន់ប្រារព្ធពិធីពោរពេញដោយសំរាម ។
តែយ៉ាងណាមិញ ថ្ងៃទី១៦ខែតុលា គឺមានការបោសសំអាតបានល្អប្រសើរឡើងវិញហើយ នេះបើយោងតាមប្រភពហ្វេសប៊ុក មន្ទីរសាធារណការ និងដឹកជញ្ជូនរាជធានីភ្នំពេញ បានរៀបរាប់ថា ÷
"បន្ទាប់ពីបានបោសសំរាមរួចនិងដោយពិនិត្យឃេីញកម្រាលសួនច្បារនិងដងផ្លូវមានក្លិនឆ្អាប ប្រឡាក់ នៅព្រឹកថ្ងៃទី១៦ខែវិច្ឆិកាឆ្នាំ២០១៦នេះ អង្គភាពលូទឹកនិងបូមទឹកនៃមន្ទីរសកដរាជធានីភ្នំពេញ បានចាប់ផ្តេីមលាងសំអាតតាមដងផ្លូវនិងសួនច្បារនានាក្នុងតំបន់សប្បាយភាព។"
