រាជធានីភ្នំពេញ៖ សមត្ថកិច្ចអាចកំណត់អត្តសញ្ញាណសពនារីត្រូវគេចងខ្សែរុំនឹងភួយមកទុកចោលនៅគំនរសំរាម ស្ថិតតាមបណ្ដោយផ្លូវ១០០៣ ក្នុងភូមិទំនប់ សង្កាត់ភ្នំពេញថ្មី ខណ្ឌសែនសុខបានហើយ នារសៀលថ្ងៃទី១៦ ខែវិច្ឆិកា ឆ្នាំ២០១៦នេះ បន្ទាប់ពីសពនារីរងគ្រោះខាងលើត្រូវអ្នករើសអេតចាយប្រទះឃើញ កាលពីវេលាម៉ោង១០និង៤០នាទីព្រឹកមិញនេះ។
យោងតាមសមត្ថកិច្ចជំនាញ និងក្រុមគ្រួសារសពបានឲ្យដឹងថា ជនរងគ្រោះមានឈ្មោះ កែវ បញ្ញា អាយុ ២១ ឆ្នាំ មុខរបរធ្វើការនៅ 55 Club ម្តុំចតុមុខ ស្នាក់នៅភូមិ ក្បាលថ្នល់ សង្កាត់ចាក់អង្រែលើ ខណ្ឌ មានជ័យ ហើយបើពិនិត្យលើសាកសព គឺឃើញមានស្នាមរឹតក។
ខាងក្រោមនេះដែរជារូបភាពមួយចំនួនរបស់នារីរងគ្រោះកាលពីមិនទាន់ស្លាប់ ដែលឃើញហើយពិតជាគួរឲ្យសោកសង្រេង។
ផ្ដល់សិទ្ធិដោយ៖KQUBE
