ខេត្តកែប៖ កាលពីវេលាម៉ោង៤និង៤៣នាទីរសៀល ថ្ងៃទី១១ធ្នូ២០១៦ម្សិលមិញនេះ លើកំណាត់ផ្លូវជាតិលេខ៣៣ ស្ថិតក្នុងភូមិ កែវក្រសាំង សង្កាត់កែប ក្រុងកែប។ មានហេតុការណ៍គ្រោះថ្នាក់ចរាចរណ៍មួយបានកើតឡើងបណ្ដាលឲ្យជនរងគ្រោះ៣នាក់របួសធ្ងន់និងស្រាលមានបាក់ជើងទៀតផង។
ជនរងគ្រោះ ទី១-ឈ្មោះ យាង ពោង ភេទប្រុស អាយុ ២៦ឆ្នាំ អ្នកបើកបរ របួសធ្ងន់ បាក់ភ្លៅខាងឆ្វេង, ទី២.-ឈ្មោះ លក់ វ៉ប ភេទប្រុស អាយុ២២ឆ្នាំ អ្នករួម ដំណើរ របួសស្រាល និងទី៣-ឈ្មោះង៉ែត មឿន ភេទប្រុស អាយុ៣៦ឆ្នាំ អ្នករួមដំណើរ របួសស្រាល។ អ្នកទាំង៣រស់នៅភូមិកោះសោម ឃុំអង្កោល ស្រុកដំណាក់ចង្អើរ ខេត្តកែប។ បានជិះម៉ូតូឌុបគ្នា ម៉ាក សេ១២៥ សេរី២០០៨ ពណ៌ខ្មៅ ពាក់ស្លាកលេខ កែប1A-2751។ ចំណែកអ្នកបើកគោយន្តកន្ត្រៃ ឈ្មោះ ឈួន សុផល ភេទប្រុស អាយុ១៨ឆ្នាំ គ្មានរបួស រស់នៅភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប។
ប្រភពឲ្យដឹងថា មុនកើតហេតុ ម៉ូតូជិះឌុបគ្ន០៣នាក់ អត់ពាក់មួកសុវត្ថិភាព ក្នុងទិសដៅពីកើត ទៅលិច គេចពីកម្លាំងប៉ុស្តិ៍នគរបាលចរាចរណ៍ ដែលដាក់ឈរជើងត្រួតពិនិត្យអនុវត្តច្បាប់ លុះមកដល់ កន្លែងកើតហេតុ ក៏បុកប៉ះនឹងគោយន្តពីមុខ ខណ:គោយន្ត បើកពីជើងទៅត្បូង តាមផ្លូវប្រឡាយ ចេញមកផ្លូវជាតិលេខ៣៣ ហើយបត់មកទិសខាងកើត បញ្ជ្រាស់ទិសជាមួយម៉ូតូរងគ្រោះ ដោយមិន ប្រុងប្រយ័ត្ន ក៏បណ្តាលឲ្យជួបគ្រោះថ្នាក់ចរាចរណ៍ដោយចៃដន្យបែបនេះតែម្តងទៅ៕ ដោយ៖ ហង្ស សុភាព
ផ្ដល់សិទ្ធិដោយ៖VD7News.com
