ខេត្កកណ្ដាល៖ កាលពីវេលាម៉ោង១៩និង០០នាទីថ្ងៃទី១៨ធ្នូ២០១៦ ម្សិលមិញនេះ នៅចំណុចភូមិ តារាបដូនស ឃុំគគីរ ស្រុកកៀនស្វាយ ខេត្តកណ្ដាល។ ដោយសារជនល្មើសឈ្មោះអ៊ុន វណ្ណះ ភេទប្រុស អាយុ៣៥ឆ្នាំ(ខ្មែរ)មុខរបរកសិករ មានទីលំនៅ ភូមិតារាបដូនសឃុំគគីរ ស្រុកកៀនស្វាយខេត្តកណ្ដាល
(ឃាត់ខ្លួន.ត្រូវជាប្ដី) ដែលបានបង្កហិង្សាទៅលើប្រពន្ធជាជនរងគ្រោះ ឈ្មោះយន់ សុខន ភេទស្រី អាយុ៣២ឆ្នាំ (ខ្មែរ) មុខរបរលក់ដូរ មានទីលំនៅ ភូមិតារាបដូនស ឃុំគគីរ ស្រុកកៀនស្វាយ ខេត្តកណ្ដាល(ប្រពន្ធជនល្មើស) ។
ប្រភពឲ្យដឹងថា នៅវេលាម៉ោងកើតហេតុខាងលើ ជនរង
គ្រោះដែលត្រូវជាប្រពន្ធ បានមកហៅជនល្មើសដែលត្រូវជាប្ដី កំពុងផឹកស្រាជាមួយអ្នកជិតខាងជាច្រើនដងឲ្យមកផ្ទះវិញ ពេលនោះជនល្មើសជាប្ដីខឹងបានស្ទុះទៅវាយជនរងគ្រោះ១៣ដៃ ត្រូវចំក្បាល១១ដៃ និង ថ្ងាស់០២ដៃបណ្ដាលឲ្យរបួសដេរ០៥ថ្នេរ បន្ទាប់ពីធ្វើសកម្មភាពរួចជនល្មើសបានរត់គេចខ្លួន ។
លុះដល់ថ្ងៃទី១៩ធ្នូ២០១៦វេលាម៉ោង៩:០០នាទី ជនរងគ្រោះបានមកដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាលគគីរក្រោយពីបានទទួលពាក្យបណ្ដឹង កម្លាំងប៉ុស្ដុិនគរបាលរដ្ឋបាលគគីរបានចុះទៅដល់កន្លែងកើតហេតុហៅជនល្មើស ឈ្មោះ អ៊ុន វណ្ណះ មកប៉ុស្តិដើម្បីសួរនាំនិងដើម្បីបន្តចាត់ការតាមនីតិវិធី ។
គួរបញ្ជាក់ថា៖ ជនល្មើសឈ្មោះ អ៊ុន វណ្ណះ ធ្លាប់ប្រព្រឹត្តអំពើ
ហិង្សាក្នុងគ្រួសារជាច្រើនលើក ច្រើនសារទៅលើប្រពន្ធឈ្មោះយន់ សុខន និងធ្លាប់ធ្វើកិច្ចសន្យាជាមួយ រដ្ឋអំណាចអាជ្ញាធរ មេភូមិ និងមេឃុំរួចមកហើយ តែជនល្មើសមិនព្រមកែប្រែគំនិត។
ជនល្មើសបានបញ្ជូនមកកាន់អធិការដ្ឋាននគរបាលស្រុកកៀនស្វាយ ដើម្បីបន្តចាត់ការតាមនីតិវិធី៕
ផ្តល់សិទ្ធិដោយ៖VD7News.com
