√ ចាប់បានហើយ !! រត់មកដល់ខេត្តព្រះសីហនុ បន្ទាប់ពីកាប់សម្លាប់ប្រពន្ធ និងកូន (មានវីដេអូ)

ខេត្តកំពត-ព្រះសីហនុ៖ សមត្ថកិច្ចបានតាមប្រមាញ់បុរសម្នាក់ដែលជាប្ដី-ជាឪពុក បន្ទាប់ពីខ្លួនបានកាប់សម្លាប់កាលពីទៀបភ្លឺ ថ្ងៃ ទី ១៩ ធ្នូ២០១៦ នៅ ភូមិទ្វី ខាងជើង សង្កាត់អណ្តូងខ្មែរ ក្រុង កំពត ខេត្តកំពត។

តាមប្រភពឲ្យដឹងថា មានបុរសម្នាក់ ជាប្តីនិងជាឪពុកបានប្រេីចបកាប់ជាអាវុធវាយ សម្លាប់ប្រពន្ធនិង កូនប្រុសតូចអាយុទើបតែ២ ឆ្នាំ យ៉ាងព្រៃផ្សៃបំផុត ។ ក្រោយប្រព្រឹត្តអំពេីឃាតកម្មលេីគ្រួសារឯងនេះរួចហេីយ ជនសង្សយ័បានបេីករថយន្តរត់គេចខ្លួនពីក្រុងកំពតមកកាន់ក្រុងព្រះសីហនុដោយនាំយកទាំងកូនប្រុសច្បងម្នាក់ទៀតមកជាមួយផង«រូបក្មេងដូចក្នុងរូបថត» ហេីយក៍ត្រូវបានកម្លាំងសមត្ថកិច្ចនគរបាលខេត្តព្រះសីហនុ សហការ ស្ទាក់ចាប់បាននៅវេលាម៉ោង១១ និង ១៧នាទីថ្ងៃត្រង់ថ្ងៃទី ១៩ ធ្នូឆ្នាំ២០១៦ដ៍ដែលនេះ ពេលជនសង្សយ័កំពុងបើករថយន្ត រត់គេចមកដល់ចំណុចរង្វង់ មូលតោពីរក្នុងសង្កាត់លេខ៤ក្រុងព្រះសីហនុ ។

ប្រភពឲ្យដឹងថា ជនដៃដល់ឈ្មោះ អ៊ុំ រស្មី ហៅស៊ូ អាយុ ៣៥ ឆ្នាំមុខរបរស្មៀនឃុំ ហេីយប្រពន្ធឈ្មោះ ម៉ក់ សា រ៉ាយអាយុ ២៤ឆ្នាំនិងកូនប្រុសដែលជនសង្សយ័បានសម្លាប់ឈ្មោះ រដ្ឋ ពិសិដ្ឋ អាយុ ២ ឆ្នាំ ពួក គេ មាន ទីលំនៅ ក្នុងភូមិ កើតហេតុ ខាងលើ ។

បេីតាមលោកឧត្តមសេនីយ៍ទោជួន ណារិន្ទស្នងការនគរបាលខេត្តព្រះសីហនុអោយដឹងជាជំហានដំបូងថា ជនសង្ស័យ សម្លាប់ប្រពន្ធ និង កូន នេះនៅមិនទាន់ដឹងពីមូលហេតុជាក់លាក់នៅឡេីយ សមត្ថកិច្ចកំពុងសាកសួរបន្ត ៕