√ ពលរដ្ឋស្រុកអង្គស្នួលជីកឃើញព្រះពុទ្ធបដិមា២អង្គអាយុកាលជាង៤០០ឆ្នាំ

ខេត្តកណ្ដាល៖ ព្រះពុទ្ធបដិមាមានអាយុកាលជាង៤០០ឆ្នាំ ចំនួន២អង្គ រួមជាមួយនឹងកុលាលភាជន៍មួយចំនួន ត្រូវបានពលរដ្ឋភូមិឆក់ឈើនាង ឃុំឆក់ឈើនាង ស្រុកអង្គស្នួល បានជីករកឃើញក្នុងបរិវេណវត្តព្រះនាគ។

ក្រោយទទួលបានព័ត៌មាននេះហើយលោក ហេង កំសាន្ត ប្រធាននាយកដ្ឋានបុរាណវត្ថុ នៃក្រសួងវប្បធម៌ បានសហការជាមួយ លោកឧត្តមសេនីយ៍ត្រី លី ឡាយ ប្រធាននាយកដ្ឋាននគរបាលការពារបេតិកភណ្ឌរួមទាំងអាជ្ញាធរស្រុកនិងមូលដ្ឋានបានចុះទៅសម្របសម្រួលជាមួយគណៈកម្មការវត្ត និងពុទ្ធបរិស័ទ ដើម្បីស្នើសុំព្រះពុទ្ធបដិមា និងកុលាលភាជន៍ខាងលើ យកទៅរក្សាទុកនៅសារមន្ទីរជាតិ សម្រាប់ឲ្យកូនខ្មែរជំនាន់ក្រោយបានសិក្សាស្វែងយល់។

យ៉ាងណាមិញគិតចាប់តាំងពីថ្ងៃទី៣០ ខែមករា មកទល់ពេលនេះគណៈកម្មការវត្ត និងពុទ្ធបរិស័ទវត្តព្រះនាគ នៅមិនទាន់ព្រមឲ្យយកទៅរក្សាទុកនៅសារមន្ទីរជាតិទេ ទោះបីមន្ត្រីក្រសួងនិងអាជ្ញាធរស្រុកអង្គស្នួល ព្យាយាមចរចាសម្របសម្រួលយ៉ាងណាក៏ដោយក្នុងនោះដែរលោក ជា សុជាតិ អនុប្រធានការិយាល័យបុរាណវត្ថុ នៃសារមន្ទីរជាតិភ្នំពេញ បានលើកឡើងថា ទីធ្លាវត្តព្រះនាគទាំងមូលគឺជាបុរាណដ្ឋានមួយ ដែលស្ថិតនៅច្រើនសម័យកាល ដូចជាយុគថ្មបំបែក យុគថ្មរំលីង សម័យបុរេប្រវត្តិ សម័យមុនអង្គរ សម័យអង្គរ និងសម័យក្រោយអង្គរជាដើម ដែលជាក់ស្ដែង មានភស្តុតាងរកឃើញនេះសម្រាប់ ដែលឧបករណ៍ប្រើប្រាស់របស់មនុស្សនោះ៕