នៅប្រទេសកម្ពុជា កូនខ្មែរសែស្រឡាយចិន នឹងរៀបចំសែនព្រេន យ៉ាងធំនៅថ្ងៃទី២៧ ខែមករា ដែលជាថ្ងៃចូលឆ្នាំប្រពៃណីចិន ដែលរឿយៗសម្រាប់អ្នកមានសន្ដានចិត្ត តែងតែហៅបងប្អូន ឬមិត្តភ័ក្តិ ជិតដិតទៅញ៉ាំអាហារជុំគ្នា និងជជែកគ្នាលេង ពេលសម្រាកលំហែពីការរកទទួលទាន និងការងារប្រចាំថ្ងៃ។ ដូច្នេះគេហទំព័រព័ត៌មានខេឃ្យូបបានសម្ភាសន៍ជាមួយហោរាល្បីឈ្មោះ សាកសួរពីតំណមនិយាយអ្វីខ្លះ ដែលចាំបាច់ត្រូវតែតមដាច់ខាត ពេលទៅលេងផ្ទះគេអំឡុងពេលចូលឆ្នាំចិននេះ។
ចុចអាន៖ បើទិញជ្រូកខ្វៃសែន ប្រយ័ត្នបាក់ត្រចៀកនិងកន្ទុយ ព្រោះ..........
លោកតាកុកឡុង បានប្រាប់គេហទំព័រព័ត៌មានខេឃ្យូប Kqube.net ថាមានជនជាតិមានតំណម៤យ៉ាងដែលត្រូវហាមដាច់ខាតក្នុងអំឡុងពេលចូលឆ្នាំថ្មីនេះ បើសិនជាអ្នកក្រៅចូលមកលេខ ដែលមានដូចខាងក្រោមនេះ ៖
ទី១. មិនជូននាឡិកាទៅម្ចាស់ផ្ទះទេ ព្រោះមានប្រផ្នូលថា ជូនដំណើរម្ចាស់ផ្ទះទៅស្លាប់ ។
ទី២. មិននិយាយរឿងនយោបាយ ពីព្រោះមនុស្សមានចិត្តខុសគ្នា រមែងជជែកប៉ះសម្ដី និងខ្វែងគំនិតគ្នានាំក្ដៅចិត្តពេល មានប្រកាន់គោលជំហររៀងខ្លួន។
ទី៣. មិននិយាយរឿងសាសនា ពីព្រោះសាសនាខុសគ្នា ការជំនឿក៏ខុសគ្នា ការប្រតិបត្តិក៏ខុសគ្នា ដែលអាចនាំរឿងល្អក់កករ។
ទី៤. មិនសុំខ្ចីលុយម្ចាស់ផ្ទះ ពីព្រោះ អំឡុងពេលនេះ ជនជាតិចិនជឿថា ទេវតាឆ្នាំថ្មីនាំលាភសំណាង ទ្រព្យហូរចូលផ្ទះ សូមសំរាមក៏គេមិនឲ្យចេញក្រៅផ្ទះដែរ សូមខោអាវក៏គេមិនបោកគក់ដែរ ដូច្នេះទម្រាំលុយទៀត គឺមិនចេញពីហោប៉ៅគេឡើយ គឺគេចាយត្រឹមតែនៅ លុយកាក់តិចតួច ក្រៅខ្លួន និងក្នុងអាំងប៉ាវដែលបានត្រៀមទុកប៉ុណ្ណោះ។
ចុចអាន៖ របៀបសែនចូលឆ្នាំចិនឲ្យរកស៊ីឡើងនិងតំណមសំខាន់មួយត្រូវតែជៀសវាង (សំឡេង)
គេហទំព័រព័ត៌មានខេឃ្យូបនឹងធ្វើការផ្សាយអត្ថបទជាច្រើនបន្តបន្ទាប់ សម្រាប់ពិធីបុណ្យចូលឆ្នាំចិននេះ ដូច្នេះសូមតាមដានទស្សនានៅ WWW.KQUBE.Net ។
សូមទស្សនាវីដេអូមកស្រាយខាងក្រោម៖
ផ្តល់សិទ្ធិដោយ៖KQUBE
