តារាចម្រៀង Original Song ម្នាក់ដែលមានឈ្មោះហ្វេសប៊ុក Bank KH (កូនអ្នកប៉ៃលិន) នៅរសៀលថ្ងៃទី៣០ ខែមករា ឆ្នាំ២០១៧នេះបានសម្ដែងនូវការហួសចិត្តរឿងការទិញទឹកសុទ្ធ នៅកំពង់សោម អ្នកលក់ម្តុំក្បែរ Holiday Place Hotel តាមបណ្ដោយឆ្នេរឯករាជ្យ បានលក់ឲ្យខ្លួន ១ ដប តម្លៃ៧៥០០៛ ដែលតម្លៃនេះថ្លៃកប់ពពក ហើយបានធ្វើឲ្យមិត្តអ្នកលេងសង្គមបានរិះយ៉ាងខ្លាំងផងដែរ។
តារាចម្រៀងខាងលើបានសរសេរយ៉ាងដូច្នេះថា "១ ដប ៧,៥០០៛ នៅកំពង់សោមទិញម្ដុំក្បែរ Holiday Place Hotel តាមឆ្នេរឯករាជ្យ នេះហើយជាហេតុផលដែលខ្ញុំមិនចង់ដើរលេងនៅស្រុកខ្មែរ គ្រាន់តែទឹក១ដបកន្លះលីត្រសោះ ថ្លៃជាងសាំង ១លីត្រទៀត លើកក្រោយកុំញ៉ាំមុនគិតលុយណា Maayaly Innបើម្ហូបវិញ កន្លែងខ្លះ មិនឆ្ងាញ់ ហើយថ្លៃ គ្មានគុណភាព"។ យ៉ាងណាមិញនេះគឺជាការលើកឡើងរបស់តារារូបនេះ តែម្ខាងប៉ុណ្ណោះ ដូច្នេះសូមមិត្តអ្នកអាន ពិចារណានិងតាមការគួរ ហើយសូមប្រយ័ត្នរាល់ការជាវអ្វីមួយ សូមសួរតម្លៃមុនសិនជៀសវាងអ្នកលក់កោរមិនដាក់ទឹក៕
ផ្តល់សិទ្ធិដោយ៖KQUBE
