ក្មេងស្រីអាយុ ១៧ ឆ្នាំម្នាក់ប្រឈមនឹងជាប់ពន្ធនាគារអស់មួយជីវិត ពីបទរំលោភផ្លូវភេទទៅលើយុវជនអាយុ ១៩ ឆ្នាំ ដោយប្រើកាំបិតគំរាមឲ្យយុវជននោះធ្វើតាមបញ្ជារបស់ខ្លួន ។ កញ្ញា Lestina Marie Smith ត្រូវបានគេនាំឡើងតុលាការលើកទីមួយកាលពីថ្ងៃអង្គារ ចំពោះបទល្មើសចំនួនពីរករណីគឺ ប្រើប្រាស់អាវុធគំរាមមនុស្ស និងរំលោភផ្លូវភេទ ដែលករណីនីមួយៗសុទ្ធតែអាចឲ្យនាងជាប់ពន្ធនាគារមួយជីវិត ។
ក្នុងបទចោទប្រកាន់បញ្ជាក់ថា នាងបានឃាត់យុវជនអាយុ ១៩ ឆ្នាំ ដោយប្រើកាំបិត បន្ទាប់មកបញ្ជាឲ្យយុវជននោះរួមភេទជាមួយនាងដោយប្រើមាត់ មុនពេលប្រើអវយវៈភេទ ។ ករណីនេះកើតឡើងក្នុងទីប្រជុំជន Saginaw Township ភាគកណ្ដាលរដ្ឋ Michigan សហរដ្ឋអាមេរិក ។ ក្រោយសវនាការ កញ្ញា Smith ត្រូវបានបញ្ជូនត្រឡប់ទៅពន្ធនាគារវិញ រង់ចាំឡើងសវនាការលើកទីពីរ នៅថ្ងៃទី ៣ ខែ កុម្ភៈ ។ ទោះយ៉ាងណា យុវជនដែលជាជនរងគ្រោះ មិនត្រូវបានអាជ្ញាធរប្រាប់អត្តសញ្ញាណជាសាធារណឡើយ ។
ប្រភពៈ independent
ផ្តល់សិទ្ធិដោយ៖KQUBE
