ភ្នំពេញ៖ កាលពីវេលាម៉ោង៧និង៣០នាទីយប់ថ្ងៃទី៣ ខែមករា ឆ្នាំ២០១៧នេះ មានសាកសពស្ត្រីម្នាក់ ត្រូវបានលោក យ៉ិន វុធ ចុះជួយស្រង់ ដែលអណ្ដែតទឹក មកទើក្រោមស្ពានព្រះមុន្នីវង្សចាស់។
ប្រភពពីសាច់ញាតិនៃសព បានឲ្យលោកចៅសង្កាត់ថា សពឈ្មោះ ប៉ែន គុន្ធា អាយុ៣៣ឆ្នាំ មានកូនពីរ ស្រុកកំណើតនៅពោធិ៍សាត់ បានមកជួលផ្ទះនៅទួលសង្កែ ធ្វើការនៅហាងបារាំង ។
ប្រភពបានបន្តថា សពនេះត្រូវបានគេប្រាប់ថាលោតទឹកនៅផែថ្ម កាលវេលាម៉ោង១០យប់ថ្ងៃទី១ ខែមករា ឆ្នាំ២០១៧ សពស្ត្រីរូបនេះបានលែងប្ដីយូរហើយ។ លោក យ៉ិន វុធ បានជួយ ជាថវិកាខ្លះដល់គ្រួសារសព ដើម្បីដឹកសពទៅធ្វើបុណ្យ តាមប្រពៃណី នៅវត្តទួលសង្កែ៕
ផ្តល់សិទ្ធិដោយ៖VD7News.com
