សិល្បៈ ៖ វីដេអូក្មេងប្រុសស្រីពីរនាក់បងប្អូននៅខេត្តកំពង់ឆ្នាំងដែលឪពុកស្លាប់ចោល ហើយម្ដាយទៅរកស៊ីនៅប្រទេសថៃមិនឃើញវិលមកវិញ តម្រូវឲ្យពួកគេតស៊ូកាប់ព្រៃរបោះធ្វើអំបោសលក់ដើម្បីរកលុយទិញអង្កចិត្តជីវិត ពិតជាធ្វើទស្សនិកជន និងអ្នកសិល្បៈជាច្រើនរំជួលចិត្តជាខ្លាំង។ ជាក់ស្ដែងតារាសម្ដែងកញ្ញា សឿន ផានផាភួង ប្រាប់ថា នាងទប់ទឹកភ្នែកមិនជាប់ ធ្វើឲ្យនាងយំកណ្ដាលចំណោមមនុស្សជាច្រើន ពេលទស្សនាវីដេអូក្មេងទាំងពីរនាក់បងប្អូនយំនឹកម្ដាយ។
កញ្ញាប្រាប់បន្ថែមថា ជីវិតរបស់ក្មេងទាំងពីរនាក់នេះពិតជាអាណោចអាធ័មណាស់ ពួកគេទើបមានអាយុ៦ និង៤ ឆ្នាំត្រូវប្រកបរបរចិ?នាងមិននឹកស្មានថាមានក្មេងអាយុប៉ុននេះគាត់ជួបទុក្ខបែបនេះទេ ចំណុចនេះហើយដែលនាងរំជួលចិត្តមិនអាចទប់ទឹកភ្នែកបាន គឺយំដល់ថ្នាក់ថតមិនកើត។
តារាសម្ដែងកំពុងមានទីផ្សាររូបនេះបន្តថា ព្រោះតែការអាណិតនេះហើយ នាងក៏ទិញកង់មួយគ្រឿងជូនពួកគាត់គ្រាន់ជិះទៅរៀន រួមជាមួយថវិកាមួយចំនួនទុកសម្រាប់គាត់ទិញអាហារចិញ្ចឹមជីវិត រង់ចាំម្ដាយវិលត្រឡប់មកពីស្រុកថៃវិញ ហើយសម្ភារទាំងនេះនាងនឹងផ្ញើតាមអ្នកនាង ឌី លីណា យកទៅប្រគល់ជូនក្មេងទាំងពីរនៅថ្ងៃទី២១នេះហើយ៕
ផ្តល់សិទ្ធិដោយ៖KQUBE
