-បើទិញជ្រូកខ្វៃសែន ប្រយ័ត្នបាក់ត្រចៀកនិងកន្ទុយ ព្រោះ..........
-ហាងជ្រូកខ្វៃមួយកន្លែងក្នុង១រដូវចូលឆ្នាំ អាចលក់បានរហូតដល់៤០០ ទៅ៥០០ក្បាល
-ហាងឆេងជ្រូកខ្វៃឆ្នាំនេះ ១គីឡូ ៦ម៉ឺន ២ពាន់រៀល
ជ្រូកខ្វៃ គឺពេញនិយមខ្លាំងណាស់ សម្រាប់ការសែនព្រេនរបស់ជនជាតិចិន នៅពិធីបុណ្យឆេងម៉េង និង សែនកុងម៉ា នាពេលចូលឆ្នាំ ប៉ុន្តែពួកគេមានតំណមមួយ គឺជ្រូកខ្វៃមិនត្រូវ បាក់ត្រចៀក ឬ បាក់កន្ទុយឡើយ ។ តើមានមូលហេតុអ្វី ទើបពួកគេប្រកាន់បែបនេះ?
លោកនង សុគន្ធធារ៉ា បានប្រាប់គេហទំព័រព័ត៌មានខេឃ្យូប (Kqube.net) ឲ្យដឹងថា អ្នកទិញជ្រូកខ្វៃគេប្រកាន់ណាស់ គេមិនទិញទេកាលណាបើជ្រូកនោះបាក់ត្រចៀកនិង ដាច់កន្ទុយ ព្រោះនាំប្រផ្នូលមិនល្អ ។ ដូច្នេះហើយអ្នកលក់ជ្រូកមានការប្រយ័ត្នប្រយែងណាស់ចំពោះរឿងនេះ។
អ្នកលក់ដដែលនេះបានបន្ថែមថា បើសិនជា ជ្រូកណាខ្វៃហើយ បាក់ត្រចៀក ឬកន្ទុយនោះ លោកសុខចិត្តមិនយកឲ្យអតិថិជននោះទេ គឺ កាប់លក់ជាគីឡូតែម្ដង ទោះបីជាត្រូវខាតក៏ដោយ។
អ្នកលក់ដដែលនេះបានបន្ថែម ខេឃ្យូប (Kqube.net)ថា រាល់ឆ្នាំ សម្រាប់ខែចូលឆ្នាំចិននេះ ហាងរបស់លោកអាចលក់បានចន្លោះពី៤០០ក្បាល ទៅ៥០០ក្បាល លេខទូរស័ព្ទទំនាក់ទំនង 098222207។
ចំពោះតម្លៃជ្រូកខ្វៃ នៅរដូវឆ្នាំ២០១៧នេះ គឺមានដូចខាងក្រោមនេះ៖
ទី១. ទម្ងន់១០គីឡូ ចុះក្រោម លក់ម៉ៅតែម្ដង ( ឧទាហរណ៍៖ ៥គីឡូ តម្លៃ៤៨ម៉ឺនរៀល)
ទី២. ទម្ងន់១០គីឡូ ឡើងទៅ លក់គិតជាគីឡូ គឺ ១គីឡូ ៦ម៉ឺន ២ពាន់រៀល ។
ផ្តល់សិទ្ធិដោយ៖KQUBE
