ភ្នំពេញ៖ មិនធ្លាប់មានទេ ឃើញតែក្នុងរឿងប៉ុណ្ណោះកាលពីវេលាម៉ោង១២ និង១០នាទីរំលងអធ្រាត្រ ឈានចូលថ្ងៃទី៣១ មករា ឆ្នាំ២០១៧ ស្ថិតត្រង់ចំណុចផ្ទះលេខ៧៤២E1 ផ្លូវបេតុង សង្កាត់ផ្សារដេរប៉ូ២ ខណ្ឌទួលគោក ។ បុរសរងគ្រោះឈ្មោះថៃ តារា អាយុ២៩ឆ្នាំ ស្នាក់នៅចំនុចកើតហេតុខាងលើ។
ប្រភពបានដឹងថា មុនពេលកើតហេតុពេលគាត់កំពុងតែសំរាន្តលង់លក់នៅក្នុងផ្ទះ ស្រាប់តែឮសំលេងអ្នកជិតខាងហៅគាត់ឱ្យចុះមកក្រោម មើលកូនប្រុសរបស់គាត់ដែលបានធ្លាក់ពីលើផ្ទះជាន់ទីមួយ បណ្ដាលឱ្យបាក់កជើងទាំងសងខាង ។ពីមុនមកកូនប្រុសគាត់ធ្លាប់ដេកមមើលដើរទៅរកបន្ទប់ទឹកអញ្ចឹងដែរ តែលើកមុនគ្រាន់តែទៅដល់បន្ទប់ទឹក ក៏បានដើរត្រលប់មកវិញ ។
ចំណែកលើកនេះ កូនរបស់គាត់បានដើរហួសបន្ទប់ទឹករហូតមកដល់ខាងក្រោយ ដោយសារតែក្រោយផ្ទះ គាត់មិនមានបង្កាន់ដៃការពារ ទើបធ្វើឱ្យកូនរបស់គាត់ដើរមកដល់បានធ្លាក់ទាំងជើងពីរមកតែម្ដង ធ្វើឲ្យផ្អើលដល់ប្រជាពលរដ្ឋជិតខាងចេញមកមើលទើបដឹងថា ធ្លាក់ពីលើផ្ទះជាន់ទីមួយមកបាក់កជើងទាំងសងខាង៕
ផ្តល់សិទ្ធិដោយ៖VD7News.com
