ខេត្តកណ្ដាល៖ កាលពីវេលាម៉ោង២១និង០០នាទីថ្ងៃទី២មករា២០១៧ នៅចំណុចភូមិ ព្រែកបង្កង ឃុំព្រែកតាកូវ ស្រុកខ្សាច់កណ្ដាល ខេត្តកណ្ដាល។ ជនសង្ស័យឈ្មោះ មឿង នាង ភេទ ប្រុស អាយុ ៤៥ ឆ្នាំ ជនជាតិខ្មែរ មុខរបរ ចាងហ្វាងកាសែតអន្តរាគមន៍ មានទីលំនៅ ភូមិឃុំកើតហេតុ(ត្រូវជាប្តីឃាត់ខ្លួន ) ខណៈវាយប្រពន្ធជាជនរងគ្រោះឈ្មោះផាន់ សុខលី អាយុ៤១ ឆ្នាំ ជនជាតិខ្មែរ មុខរបរ មេផ្ទះ មានទីលំនៅភូមិឃុំកើតហេតុ (មានរបួសក្បាលដេរ៦ថ្នេរ)។
ប្រភពបានឲ្យដឹងថា កន្លងមកសង្ស័យ ជាប្តីធ្លាប់ប្រើអំពើហិង្សាក្នុងគ្រួសារដោយវាយដំជនរងគ្រោះ ជាញឹកញាប់នៅថ្ងៃទីកើតហេតុ វេលាម៉ោង២១:០០នាទី ជនសង្ស័យបានផឹកស្រាស្រវឹងស្រែកប្រាប់ជនរងគ្រោះឲ្យបើកភ្លើង តែជនរងគ្រោះមិនព្រមបើក ក៍មានទំនាស់ពាក្យសំដីពេលនោះជនរងគ្រោះបានយកកំសៀវ យារ វាយជនសង្ស័យ ពេលនោះជនសង្ស័យស្ទុះទៅយកដុំឥដ្ឋមកវាយចំក្បាលជនរងគ្រោះចំហៀងខាងឆ្វេងបណ្តាលឲ្យបែកហូរឈាមសន្លប់បាត់ស្មារតី ត្រូវបានបងប្អូនបញ្ជូនមកមណ្ឌលសុខភាពឃុំព្រែកតាកូវ។
រហូតមកដល់ថ្ងៃទី០៣មករា២០១៧នេះវេលាម៉ោង៨ព្រឹកជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលព្រែកតាកូវ កម្លាំងប៉ុស្តិ៍ចុះឃាត់ខ្លួនជនសង្ស័យបញ្ជូនមកអធិការដ្ឋាននគរបាលស្រុក ដើម្បីបន្តចាត់ការតាមនីតិវិធី៕
ផ្តល់សិទ្ធិដោយ៖VD7News.com
