នៅព្រឹកថ្ងៃទី២៦ ខែមករា ឆ្នាំ២០១៧នេះ កិច្ចសហការរវាងកម្លាំងនគរបាលព្រហ្មទណ្ឌកម្រិតធ្ងន់រាជធានីភ្នំពេញ កម្លាំងនគរបាលខណ្ឌចំការមន ជាមួយកម្លាំងនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ ក្រោមការសម្របសម្រួលពី លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ ពេលនេះសមត្ថកិច្ចបានឃាត់ខ្លួន ក្រុមចោរនោះបាន២នាក់ហើយ។ ជនដៃដល់ដែលបាញ់សម្លាប់ជនរងគ្រោះឈ្មោះ អ៊ុំ សួស្ដី ហៅ ពៅក្បាលធំ និងម្នាក់ទៀតឈ្មោះ ចាន់ សុវណ្ណ ហៅប៉ែត។
មិនបានប៉ុន្មានម៉ោងផងស្រាប់តែផ្អើលជាថ្មី ក្រោយពីបែកធ្លាយរូបចោរប្លន់ដៃឆៅ បាញ់សម្លាប់ បុរសម្នាក់នៅក្នុងខណ្ឌចំការមន ហើយត្រូវបានប៉ូលិសចាប់បានម្តងរួចមកហើយកាល២ឆ្នាំមុន ដោយសង្ស័យចេះយុទ្ធសិល្បិ៍ហែកគុក នេះបើយោងតាមគណនីហ្វេសប៊ុក Pheap Bo បានរៀបរាប់៖
ពួកខ្ញុំទើបតែចាប់ខ្លួនថ្ងៃមុនសោះ ប្លន់ឡានcamry 07 ពីកំពង់ចាម មកភ្នំពេញ។ មិនទាន់បាន២ឆ្នាំស្រួលបួលផងចេះសីល៍ហែកទ្វាគុគចេញបាត់ ។ទោសស្រាលពេកត្រឹមតែបទល្មើសប្លន់ដោយប្រើអាវុធ បើទោសធ្ងន់គឺពួកឆក់ត្រីយកទៅស៊ីដើម្បីរស់។ កងកំលាំងម្នាក់ៗគ្មានបានដេកពួន អីទេទម្រាំចាប់បាន ស្រាប់តែពេលពួកអស់លោកជញ្ជីងគាត់ចេញពីអោបស្រីក្នុងkaraoke មកយកបិុចស៊ីញ៉េខ្វាច់ ដោះលែងអស់ ឃឹមអីទៀតស្រែខ្មុក ចឹងបានជាពួកគាត់ចាយលុយដូចក្រដាស ជិះ៥៧០ នៅសុទ្ធតែស្វីលឡា ចញ្ចឹមស្រីក្មេង៤_១០នាក់លេង។
ភស្តុតាងមួយទៀត ដែលយោងតាមការចុះផ្សាយរបស់ខ្មែរឡូត នៅថ្ងៃព្រហស្បតិ៍ ២០ វិច្ឆិកា, ២០១៤ ០៧:៤២ ក្រោមចំណងជើងថា បង្ហាញមុខ ចោរប្លន់រថយន្ដ និងម៉ូតូ យ៉ាងសកម្មក្នុងរាជធានីភ្នំពេញ គឺពិតជាមាន ឈ្មោះអ៊ុំ សួស្ដី ដែលត្រូវបានចាប់ខ្លួន កាល ពីល្ងាចថ្ងៃទី ១៦ ខែ វិច្ឆិកា ឆ្នាំ២០១៤ ពិតប្រាកដមែន។
សូមជម្រាបជូនផងដែរថា ក្នុងសន្និសីទសារព័ត៌មាននោះ ឃាតក អ៊ុំ សួស្ដី បានប្រាប់អ្នកសារព័ត៌មានថា ពួកគេបានតាមរថយន្តរបស់ជនរងគ្រោះពីស្តុបអ៊ីនធឺខន ហើយបានបាញ់ចំនួន៥គ្រាប់ ព្រោះខឹង ម្ចាស់រថយន្តនោះបានបើកឡានបុកដៃគូពួកគេ ហើយអាវុធនិងអាយឌី វិទ្យុទាក់ទងគឺគេបានទិញពីអ្នកតាខ្មៅ ។
សមត្ថកិច្ចនគរបាលបានបញ្ជាក់ផងដែរថា នៅមានបក្សពួកគ្នា មានចំនួន៤នាក់ ចំណែកឯ២នាក់ទៀត កំពុងតាមចាប់ខ្លួន និងសូមអំពាវនាវឲ្យប្រជាជនមានភាពកក់ក្ដៅ ចំពោះសមត្ថកិច្ចដែលនឹងថែរក្សាសុខសន្តិភាពជូន។
វត្ថុតាងសមត្ថកិច្ចដកហូតបានមានអាវុធ៣ដើម M16កាត់០១ដើម, ម៉ាក Bareta ចំនួន០១ដើម និងមួយដើមទៀត ប្រភេទអាវុធខ្លី មិនស្គាល់ម៉ាក ។ ជនសង្ស័យទាំង២នាក់ ត្រូវបានឃាត់ខ្លួន កាលពីម៉ោង១៣៖៣០នាទី ថ្ងៃទី២៥ ខែមករា ឆ្នាំ២០១៧ នៅបន្ទប់ជួលលេខ០០១ ផ្លូវទ្រុងមាន់ ភូមិតាងៅ សង្កាត់និរោធ ខណ្ឌច្បារអំពៅ ។
ក្នុងនោះដែរ លោកផែង វណ្ណៈក៍បានចេញវីដេអូបកស្រាយផងដែរ
