√ កុំចេះតែហ៊ាន !! បន្ទាប់ពីលត់ជង្គង់សុំស្នេហ៍សិស្សស្រី ស្រាប់តែ នាយកសាលាហៅធ្វើកិច្ចសន្យាផ្តិតមេដៃ..(មានវីដេអូ)

-វីដេអូប្រវែង១នាទីនិង២៦វិនាទី បានធ្វើឲ្យអ្នកនិយមលេងបណ្តាញសង្គមហ្វេសប៊ុក ធ្វើការរិះគន់យ៉ាងចាស់ដៃ ទៅលើទង្វើក្មេងប្រុសក្នុងវិដេអូនោះ ដែលបានលត់ជង្គង់សុំស្នេហាទៅកាន់សិស្សស្រីទាំងខ្លួននៅក្មេងខ្ចីនៅឡើយ កាលពីថ្ងៃអង្គារ៍ ទី០៣មករា។ មិនយូរប៉ុន្មានផង ក៏មានកិច្ចអន្តរាគមន៍ពីលោកនាយកសាលាភ្លាមៗ ដោយហៅក្រុមកូនសិស្សទាំងនោះមកអប់រំ និងធ្វើកិច្ចសន្យាគ្រប់ៗគ្នាដោយមានផ្តិតស្នាមមេដៃទៀតផង។

ការចែកចាយវីដេអូក្លឹបមួយ ពេញបណ្តាញសង្គមហ្វេសប៊ុក ដែលបង្ហាញពី សិស្សានុសិស្សស្រីប្រុសមួយក្រុម បាននាំគ្នាស្រែកច្រៀងហោរ នៅក្នុងថ្នាក់រៀន អមដោយកាយវិការលត់ជង្គង់សុំស្នេហាពីភាគីសិស្សខាងប្រុសទៅកាន់សិស្សស្រី ទាំងខ្លួនស្លៀកឯកសណ្ឋានជាសិស្សនោះ នៅពេលនេះលោកនាយកសាលាបានហៅឲ្យធ្វើកិច្ចសន្យាហើយ កាលពីថ្ងៃទី៤មករានេះ។

នៅក្នុងកិច្ចសន្យានោះបានសរសេរថា ក្រុមសិស្សទាំង៦នាក់នោះ បានសារភាពថា វីដេអូដែលបានបង្ហោះកាលពីថ្ងៃទី៣មករា២០១៧នោះគឺគ្រាន់តែជាការថតសម្តែងបទចម្រៀងលេងប៉ុណ្ណោះ។

បន្ទាប់ពីទទួលការអប់រំពីលោកនាយក និងក្រុមប្រឹក្សាវិន័យរួចមក ក្មេងទាំង៦នាក់នោះបានសន្យាថា នឹងមិនប្រព្រឹត្តរឿងមិនគប្បី ហើយមិនធ្វើអ្វីដោយគ្មានការអនុញ្ញាតិ្ត ហើយបង្ករបញ្ហាដល់សាលាទៀតទេ៕