ជនជាតិ ចិន រាប់រយលាននាក់ កំពុងធ្វើដំណើរត្រឡប់ទៅកាន់ស្រុកកំណើត ធ្វើឲ្យស្ថានីយរថភ្លើងទាំងឡាយក្នុងទីក្រុងទូទាំងប្រទេស ចិន ណែនណាន់តាន់តាប់ដោយមនុស្ស ក្រោមអាកាសធាតុត្រជាក់ដល់ឆ្អឹង ដើម្បីទៅជួបជុំសាច់ញាតិក្នុងថ្ងៃចូលឆ្នាំច័ន្ទគតិ ដែលជាពេលឈប់សម្រាកដ៏សំខាន់បំផុតរបស់ជនជាតិ ចិន នៅថ្ងៃទី ២៨ ខែ មករា ដែលជាថ្ងៃចូលឆ្នាំ ។
តម្រូវការសំបុត្ររថភ្លើងមានចំនួនច្រើនបំផុតជាងពេលណាៗទាំងអស់ ដោយស្ថានីយរថភ្លើងនីមួយៗមានអ្នកដំណើរអង្គុយរង់ចាំទាំងយប់ទាំងថ្ងៃ អ្នកខ្លះបានចាំទិញសំបុត្ររហូតដល់ពីរទៅបីថ្ងៃ ធ្វើយ៉ាងណាដើម្បីបានជួបជុំក្រុមគ្រួសារក្នុងថ្ងៃចូលឆ្នាំ ដែលគេស្គាល់ថាទិវានិទាឃៈរដូវ ជាពេលដែលសមាជិកគ្រួសារបរិភោគម្ហូបអាហារជាមួយគ្នា និងមានការបាញ់កាំជ្រួចអបអរយ៉ាងសប្បាយរីករាយបំផុត ។
សារព័ត៌មានរដ្ឋ ចិន ចុះផ្សាយទិន្នន័យចំនួនអ្នកធ្វើដំណើរក្នុងអំឡុងពេលចូលឆ្នាំច័ន្ទគតិឆ្នាំ ដែលមានពេល ៤០ ថ្ងៃ ថាមានចំនួនរហូតដល់ ៣ ពាន់លាននាក់ ក្នុងនោះមាន ២.៥ ពាន់លាននាក់ធ្វើដំណើរតាមផ្លូវគោក ។
ប្រភពៈ newvision
វីដេអូ៖
ផ្តល់សិទ្ធិដោយ៖ KQUBE
