លោក Koh Dong-jin ប្រធានក្រុមហ៊ុនផលិតទូរស័ព្ទ Samsung ប្រទេសកូរ៉េខាងត្បូងបានបរាជ័យយ៉ាងខ្លាំងបន្ទាប់ពី Galaxy Note 7 ផ្ទុះថ្មឆេះកាលពីពេលកន្លងមក ដោយក្នុងឆ្នាំ២០១៧នេះ ក្រុមហ៊ុនបច្ចេកវិទ្យាមួយនេះ បានចំណាយថវិការាប់ម៉ឺនដុល្លារក្នុងការស្ដារកេរ្តិ៍ឈ្មោះឡើងវិញ។
នៅក្នុងសន្និសីទសារព័ត៌មានមួយកាលពីថ្ងៃចន្ទទី២៣ ខែមករាម្សិលមិញនេះ លោកប្រធានក្រុមហ៊ុនខាងលើបានឱនក្បាលសូមទោសអតិថិជនយ៉ាងស្មោះ ដោយរូបលោកមានសោកស្ដាយយ៉ាងខ្លាំងនូវការផលិតខុសស្តង់ដារទៅលើថ្មទូរស័ព្ទម៉ាក Galaxy Note 7 ដែលបានបង្កឲ្យឆេះខូចខាង ចំពេលកំពុងប្រើប្រាស់ ដោយលោកនិយាយថា ចាប់ពីពេលនេះតទៅ ក្រុមហ៊ុននឹងធានាជូនគុណភាព និងសុវត្ថិភាព១០០% ដើម្បីកសាងទំនុកចិត្តអតិថិជនក្នុងការប្រើប្រាស់ទូរស័ព្ទម៉ាក Galaxy Note 7 ជាបន្តទៀត។
គួរបញ្ជាក់ផងដែរថា កាលពីឆ្នាំមុនក្រុមហ៊ុន Samsung ត្រូវបានបង្ខំឲ្យឈប់លក់ទូរស័ព្ទម៉ាកនេះម្ដងរួចមកហើយ បន្ទាប់ពីទូរស័ព្ទនៅតែផ្ទុះថ្មឆេះនៅដៃរបស់អតិថិជន យ៉ាងណាមិញក្រុមហ៊ុនច្ចេកវិទ្យានេះ នឹងចេញលក់ទូរស័ព្ទថ្មីផ្សេងទៀតនៅពេលឆាប់ៗខាងមុខនេះផងដែរ នេះបើយោងតាម BBC បានចុះផ្សាយ៕
ផ្តល់សិទ្ធីដោយ៖KQUBE
