លោក ម៉ា សេរី បានទទួលមរណភាពហើយ នៅវេលាម៉ោង៥៖៥៤នាទីព្រឹកថ្ងៃទី៨ ខែកុម្ភ: ឆ្នាំ២០១៧នេះ នៅមន្ទីរពេទ្យរុស្ស៊ី។
ក្រោយពីសម្រាកពេទ្យមួយរយ: គាត់នឹកផ្ទះសុំពេទ្យទៅសម្រាកនៅផ្ទះបាន២ថ្ងៃ។ ពេទ្យអនុញ្ញាតហើយពេទ្យបានទៅ ជួយតាមថែដល់ផ្ទះ។ ពីរថ្ងៃមុននេះស្ថានភាពចុះដុនដាប គ្រួសារក៏បញ្ជូនមកពេទ្យវិញ។
កូនគាត់ប្រាប់ថា ពេលនោះគាត់មិនចង់មកពេទ្យវិញទេ តែកូនទាំងអស់គ្នា និងប្រពន្ធគាត់សុំគាត់មកឱ្យសម្រាកនៅពេទ្យ។ ឥឡូវនេះសពលោក ម៉ា សេរី បានតម្កល់នៅផ្ទះរបស់គាត់ម្តុំអូបែកក្អម ជិតកាកបាទក្រហមកម្ពុជា នេះបើយោងតាមលោក ហ៊ុយ វណ្ណៈ។
បើតាមការនៅតាមកញ្ចក់ទូរទស្សន៍CTN នាម៉ោង៧ព្រឹក ថ្ងៃទី៨ ខែកុម្ភៈនេះ លោក ម៉ា សេរីជាអ្នកអត្ថាធិប្បាយព័ត៌មានកីឡាដ៏ឆ្នើមរហូតបច្ចុប្បន្ន និងជាប្រធានផ្នែកកីឡា CBS របស់បណ្ដាញស្ថានីយទូរទស្សន៍ CTN MyTV CNC បានធ្លាក់ខ្លួនឈឺធ្ងន់ ដោយសារមហារីកថ្លើមកាលពីចុងខែមករាថ្មីៗនេះ។
