ទីក្រុង ក្វាងចូវ ខេត្ត ក្វាងទុង ភាគខាងត្បូងប្រទេស ចិន បានរៀបចំពិធីបង្ហោះចង្កៀងគោមដែលជាពិធីប្រពៃណីជនជាតិ ចិន ដោយមានចង្កៀងគោមមួយពាន់ ត្រូវបានបង្ហោះ ធ្វើឲ្យផ្ទៃមេឃខាងលើទីក្រុង ក្វាងចូវ មានពន្លឺព្រោងព្រាតដោយសារចង្កៀងគោមទាំងនោះ បង្កើតជាទិដ្ឋភាពគួរឲ្យគយគន់ក្រៃលែង ។
គោមទាំងឡាយមានពណ៌ផ្សេងៗគ្នា បង្ហោះចេញពីទីតាំងជាច្រើនទូទាំងទីក្រុង ក្នុងពេលតែមួយ ដោយនៅក្នុងគោមទាំងនោះ មានសរសេរពាក្យជូនពរ និងពាក្យអបអរផ្សេងៗ ព្រមទាំងមានផែនទីប្រទេស ចិន ។ ការបង្ហោះគោមចំនួនមួយពាន់ក្នុងទីក្រុង ក្វាងចូវ បានជាប់ជាឯតទគ្គកម្មពិភពលោកដោយកត់ត្រាចូលក្នុងសៀវភៅ Guinness World ជាការបង្ហោះចង្កៀងគោមច្រើនបំផុតមិនធ្លាប់មានលើពិភពលោក ។
អ្វីដែលពិសេស កឺគោមទាំងអស់ត្រូវបានធ្វើឡើងដោយសហគ្រាសវិទ្យាសាស្ត្រក្នុងទីក្រុង កា្វងចូវ ដោយក្នុងចង្កៀងគោមទាំងអស់បំពាក់ដោយឧបករណ៍ដែលបញ្ជាដោយម៉ាស៊ីនកុំព្យូទ័រតែមួយ ដែលអ្នកបច្ចេកទេសធានាថា ចង្កៀងទាំងអស់ទៅកាន់ផ្លូវដែលកំណត់ ។
ផ្តល់សិទ្ធិដោយ KQUBE
